"Цементчи"да нима гап?
16 фев 2016 16:47
Новости

"Цементчи"да нима гап?

Қувасойликлар янги мавсумга астойдил тайёргарлик кўрмоқда.

Жамоа матбуот хизматининг маълумот беришича, таркибда эътиборга молик ўзгаришлар бор. Бунгача йиғинда иштирок этиб келган қорақалпоғистонлик Ерлбол Сейтназаров якунда жамоа билан хайрлашишга қарор қилди. У оилавий муаммоси туфайли бу йил водийда ўйнамайдиган бўлди. Сейтназаров билан бирга "Цементчи" йиғинига келган яна бир қорақалпоқ ўғлони Нурлибек Таласбоев эса жамоада қоладиган бўлди.

Жамоанинг тўпурар ҳужумчиси Элёр Акбаров эса айни дамда ўзини олий лига вакили "Қизилқум" йиғинида иштирок этмоқда. Бундан ташқари дарвозабон Фаррух Турдалиев ҳам жамоа билан хайрлашди. Унинг ўрнига яна Элдор Исабоев қайтиб келган. Ушбу ҳафта қувасойликлар иккита назорат учрашувида майдонга тушади. Режага кўра эртага Фарғонада "Болалар ва ўсмирлар футбол мактаби" жамоасига қарши майдонга чиқади. 20 февраль куни эса Қувасойда "УзДонгЖу"га қарши баҳс олиб боради.

Ссылка :

Источник : championat.asia

Получайте новости прямо в Telegram!

Рейтинг: +1