“Цементчи” бош мураббийи Абдумалик Ҳакимов истеъфога чиқарилди

Йиғилиш кун тартибидан: ўтган мавсумда жамоа олдига қўйилган вазифалар, йўл қўйилган хатолар ва келгуси мавсумда назарда тутилган режалар ҳамда вазифалар масалалари кўриб чиқилди. Йиғилиш давомида жамоа раҳбарлари томонидан ўтган мавсумда жамоа олдига кўйилган вазифа бажарилмаганлиги сабабли “Цементчи” жамоаси бош мураббийи Абдумалик Ҳакимов ўз аризасига биноан истеъфога чикарилди.

Ҳакимовдан истеъфоси ҳақида сўралганда қуйидагича жавоб берди:
- Мени раҳбариятга ҳеч қандай эътирозим йўқ. Ўтган мавсумда олдимизга қўйилган 1-2-ўринни олиш вазифасини уддалай олмадик ва мен раҳбариятнинг қарорини ҳурмат қиламан. Жамоа аъзоларига эса омад тилайман. Мен қаерда бўлишимдан қатъий назар уларга доимо мухлислик қиламан, - дейди Абдумалик Ҳакимов

Эслатиб ўтамиз, “Цементчи” жамоаси ўтган мавсумда “Норин”дан 1 очко кам тўплаган ҳолда 74 очко билан биринчи лигани 3-ўринда якунлаган эди.

“Цементчи” матбуот хизмати