"Бухоро" янги футболчиларни таништирди

Ёшлар марказида ташкиллаштирилган ушбу тадбирда Бухоро вилояти ҳокимлиги вакиллари, клуб раҳбарияти ва ОАВ вакиллари қатнашишди. Бухоро футбол клуби вице-президенти Жамол Шуҳратович сўзга чиқиб бу йил Бухоро футболи учун жуда муҳим йил эканлиги, клуб ташкил топганига 30 йил тўлганги билан барчани табриклаб, "Бухоро" мухлислари билан фахрланишларини алоҳида таъкидлаб ўтдилар. Шундан сўнг жамоага келган футболчиларга тантанали равишда футболкалар топширилди. Тадбир охирида жамоа бош мураббийи Бахтиёр Аъзамовичга сўз берилди.

Бахтиёр Ашурматов: Барчани яқинлашиб келаётган Наврўз айёми билан табриклайман, сизларга сиҳат-саломатлик, хонадонларизга тинчлик хотиржамлик тилайман ва умид қиламанки жамоага таклиф қилинган йигитлар раҳбарият ишончини, мураббийлар ишончини оқлашади ва мухлисларга манзур бўладиган жанговор футбол намойиш этишади. Клуб раҳбариятига тайёргарлик жараёнида, селекция жараёнида катта ердам килишгани учун алоҳида миннатдорчилик билдираман. Жамоамиз мухлислари бизни доим қўллаб қувватлаб туришса, биз ҳар бир ўйинда ғалаба қозониш ва мухлисларни хурсанд қилиш учун майдонга тушамиз.Ишонч учун раҳбариятга ва жамоамиз мухлисларига миннатдорчилик билдираман.

Футболчиларга қуйидаги рақамдаги футболкалар топширилди:

2 - Иван Фатич (Черногория)
3 - Азамат Исроилов
7 - Иван Нагаев
9 - Асадбек Собиржонов
10 - Фирдавс Асадов
12 - Нодиржон Ашурматов
17 - Жамолиддин Убайдуллаев
29 - Володимир Баенко (Украина)
33 - Тоҳиржон Шамшитдинов
35 - Раҳимжон Давронов
46 - Хуршид Ходжаев
70 - Акрам Баҳритдинов
79 - Жаҳонгир Абдумўминов
90 - Артём Кулеша (Россия)
99 - Достон Ибрагимов