“Бунёдкор”ни давралар оралиғида тарк этган футболчилар

Биринчи давра баҳсларидан кейин “Бунёдкор”нинг асосий жамоаси рўйхатида бўлган етти нафар футболчи бошқа жамоаларга ўтишди.

Испаниялик Карлес Кото ва украиналик Сергей Симоненко билан тузилган шартнома икки томонлама бекор қилиниб, футболчилар ўз юртларига қайтиб кетишди. Саҳоб Жўраев ва Баҳодир Пардаевнинг бошқа жамоада ўз омадини синаб кўришига “Бунёдкор” ФК қаршилик билдиргани йўқ ва уларга рухсат берилди. Марказий ҳимоячи Бобиржон Акбаров иккинчи даврани ижара асосида “Навбаҳор” сафида ўтказадиган бўлди. Шунингдек, асосан ёшлар лигасида ҳаракат қилишган Санжар Қодирқулов ва Жаҳонгир Хўжамов “Бунёдкор-2” жамоасига ўтишди.

Давралар оралиғида “Бунёдкор” ФК сафини тўлдирган футболчилар ҳақида кейинроқ маълумот бериб ўтамиз. Чунки ЎзПФЛнинг трансфер ойнаси 10 августгача очиқ ва унга қадар ўзгаришлар бўлиши мумкин.