"Бунёдкор": Хорижлик мураббий ва футболчиларга қўйилган таъқиқ олиб ташланди
19 фев 2021 12:23
Новости

"Бунёдкор": Хорижлик мураббий ва футболчиларга қўйилган таъқиқ олиб ташланди

Хабарингиз бор, Ўзбекистон футбол ассоциациясининг тегишли қўмитаси қарорига кўра, Ўзбекистон Профессионал футбол лигаси 5 февраль куни "Бунёдкор" ва бир қатор клубларга 2021 йилги мавсумда легионер футболчилар ҳамда мураббийларни рўйхатдан ўтказишга тақиқ қўйган эди.

"Мусобақаларни ўтказиш регламенти"нинг 6.27-бандига мувофиқ, легионер футболчи хизматидан фойдаланаётган клуб йилда бир марта хорижлик ўйинчини рўйхатдан ўтказганлик учун тўлов амалга ошириши белгиланган. Куни кеча "Бунёдкор" футбол клуби 2019-2020 йилги мавсумларда жамоа шарафини ҳимоя қилган легионерлар учун амалга оширилмаган тўловларни ЎзПФЛнинг ҳисоб-рақамига ўтказиб берди. Шунга кўра, ЎзПФЛ "Бунёдкор"га қўйилган тақиқни олиб ташлади ва энди жамоа бемалол хорижлик футболчи ёки мураббийни 2021 йилги мавсум учун рўйхатдан ўтказиши мумкин.