“Бунёдкор” - “Локомотив”: Очкоси тенг жамоалар баҳси
11 апр 2014 17:26
Новости
“Бунёдкор” - “Локомотив”: Очкоси тенг жамоалар баҳси
Бугун олий лиганинг 5-тур баҳсларига старт берилади. Марказий учрашувлардан бири сифатида эътироф этилаётган баҳсда “Бунёдкор” “Локомотив”га қарши майдонга тушади.
Айни пайтда жамоалар турнир жадвалида иккинчи-учинчи ўринларни эгаллаб туришибди. Қолаверса, ҳар иккала клуб ҳисобида бир хил 10 очкодан бор. Демак, ким ғалаба қозонгудек бўлса, ўз рақибини 3 очкога ортда қолдиради.
Мавсум аввалида ўтказилган Суперкубок ўйинида “Бунёдкор” рақибидан 2:1 ҳисобида устун келганди. Лекин бу энди тарих, қолаверса, унда ҳали мавсум бошланмаган эди. Мана энди жамоалар бирмунча кучга кириб олишди, бу эса ўйиннинг янада тезкор кечишидан дарак бермоқда.
“Бунёдкор” олий лиганинг дастлабки тўртта ўйинида 7та гол уриб, иккита ўтказди. “Локомотив” эса 6 бор тўп киритиб, бу жамоа ҳам иккита тўп ўтказиб юборди. Хўш, бугунги ўйин олдидан фаворит ким? Очиғини айтганда, бир нарса дейиш қийин, аммо “Бунёдкор”нинг ўз майдонида тўп суришини инобатга олсак, жамоанинг имкониятлари бироз юқоридек кўринмоқда. Бундан ташқари, “Локомотив”да ўйин билан боғлиқ бироз муаммолар бор. Яъни, “темирйўлчилар” энди-энди ўз ўйинларини топиб боришмоқда.
“Бунёдкор” Миржалол Қосимовсиз бугун ўзининг иккинчи ўйинини ўтказади. Бош мураббийсиз қолган “қалдирғочлар” ўтган тур сафарда “Динамо”ни енгиб қайтишди. Вадим Абрамов бошчилигидаги “Локомотив” эса ўзида “Сўғдиёна”ни мағлуб этди. Бугунги беллашувда Лутфулла Тўраев, Игнатий Нестеров, Жасур Ҳасанов сингари футболчиларнинг собиқ клубига қарши тўп суриши кутилмоқда.
Энди икки оғиз учрашув ҳаками ҳақида. Бугунги ўйинни тошкентлик рефери Ҳасан Рўзиев бошқариб боради. Рўзиев шу пайтгача “Бунёдкор”нинг ўз майдонида битта ўйинида ҳакамлик қилган. Ўтган йил ўтказилган “Бунёдкор” - “Бухоро” баҳсини бошқарган ва унда майдон эгалари 4:0 ҳисобида ғалаба қозонишган.
Рўзиев “Локомотив” иштирокидаги сафар ўйинида ҳам бир марта ҳакамлик қилган. Яъни, шу йил ўтказилган “Навбаҳор” - “Локомотив” ўйинини Ҳасан Рўзиев бошқарди ва унда меҳмонлар 1:0 ҳисобида ғалаба қозонишди. Эсингизда бўлса, ўйиндан кейин “Навбаҳор” бош мураббийи Бахтиёр Ашурматов ҳакамлар шаънига номақбул сўзларни билдиргани учун ПФЛ томонидан 10 миллион сўм жарима солинганди.
Хайрулла Холиқов.
Мавсум аввалида ўтказилган Суперкубок ўйинида “Бунёдкор” рақибидан 2:1 ҳисобида устун келганди. Лекин бу энди тарих, қолаверса, унда ҳали мавсум бошланмаган эди. Мана энди жамоалар бирмунча кучга кириб олишди, бу эса ўйиннинг янада тезкор кечишидан дарак бермоқда.
“Бунёдкор” олий лиганинг дастлабки тўртта ўйинида 7та гол уриб, иккита ўтказди. “Локомотив” эса 6 бор тўп киритиб, бу жамоа ҳам иккита тўп ўтказиб юборди. Хўш, бугунги ўйин олдидан фаворит ким? Очиғини айтганда, бир нарса дейиш қийин, аммо “Бунёдкор”нинг ўз майдонида тўп суришини инобатга олсак, жамоанинг имкониятлари бироз юқоридек кўринмоқда. Бундан ташқари, “Локомотив”да ўйин билан боғлиқ бироз муаммолар бор. Яъни, “темирйўлчилар” энди-энди ўз ўйинларини топиб боришмоқда.
“Бунёдкор” Миржалол Қосимовсиз бугун ўзининг иккинчи ўйинини ўтказади. Бош мураббийсиз қолган “қалдирғочлар” ўтган тур сафарда “Динамо”ни енгиб қайтишди. Вадим Абрамов бошчилигидаги “Локомотив” эса ўзида “Сўғдиёна”ни мағлуб этди. Бугунги беллашувда Лутфулла Тўраев, Игнатий Нестеров, Жасур Ҳасанов сингари футболчиларнинг собиқ клубига қарши тўп суриши кутилмоқда.
Энди икки оғиз учрашув ҳаками ҳақида. Бугунги ўйинни тошкентлик рефери Ҳасан Рўзиев бошқариб боради. Рўзиев шу пайтгача “Бунёдкор”нинг ўз майдонида битта ўйинида ҳакамлик қилган. Ўтган йил ўтказилган “Бунёдкор” - “Бухоро” баҳсини бошқарган ва унда майдон эгалари 4:0 ҳисобида ғалаба қозонишган.
Рўзиев “Локомотив” иштирокидаги сафар ўйинида ҳам бир марта ҳакамлик қилган. Яъни, шу йил ўтказилган “Навбаҳор” - “Локомотив” ўйинини Ҳасан Рўзиев бошқарди ва унда меҳмонлар 1:0 ҳисобида ғалаба қозонишди. Эсингизда бўлса, ўйиндан кейин “Навбаҳор” бош мураббийи Бахтиёр Ашурматов ҳакамлар шаънига номақбул сўзларни билдиргани учун ПФЛ томонидан 10 миллион сўм жарима солинганди.
Хайрулла Холиқов.
championat.asia
CAFA Nations Cup. Бир киши кам бўлиб қолган Ўзбекистон Туркманистонни кичик ҳисобда мағлуб этди
A Bola: Лёвдан сўнг Бенту ҳам Ўзбекистонга "йўқ" деди
Манба: Паулу Бенту ЎФА таклифини рад этиши мумкин
Тимур Кападзе: "Мухлислар нега кам? Ушбу саволга биз ҳам жавоб қидиряпмиз. Легионерлар кейинги учрашувга тайёр бўлади"
Комментарии