“Бунёдкор” Анталиядаги илк назорат учрашувида мағлуб бўлди

Спарринг рақиб сифатида Польша чемпионати иштирокчиси “Ягеллония” клуби танланган эди.

Куннинг биринчи ярмида жамоамиз аъзолари машғулот ўтказишгани боис Миржалол Қосимов польшаликларга қарши икки хил таркибни синаб кўрди ва футболчиларга бир хил меъёрда юкламалар берди.

Ўйин тақдирини биргина гол ҳал қилди. Учрашувнинг 61-дақиқасида “Ягеллония” аъзолари Давид Пилизганинг пенальтидан киритган голи эвазига ғалаба қозонишди. Учрашув давомида “қалдирғочлар”да ҳам имкониятлар юзага келди. Бироқ рақиб посбонининг маҳорати дарвоза дахлсизлигини сақлаб қолди. Айниқса Миржамол Қосимов томонидан амалга оширилган жарима зарбасини у катта қийинчилик билан қайтарди. Иккинчи уринишда Анвар Бердиев тепган тўпни ҳам дарвозабон тўсиб қолишга эришди.

“БУНЁДКОР” – “ЯГЕЛЛОНИЯ” (Польша) 0:1 (0:0)
Гол: Давид  Пилизга пенальтидан 61
“Бунёдкор” 1-тайм: 1.Павел Бугало (25.Муроджон Зухуров 31), 2.Акмал Шораҳмедов, 4.Хайрулла Каримов (С), 5.Дилшод Жўраев, 8.Жавлон Иброхимов, 11.Олександр Пишур, 14.Вохид Шодиев, 18.Бобиржон Акбаров, 21.Сардор Рашидов, 23.Саҳоб Жўраев, 24.Баҳодир Пардаев
“Бунёдкор” 2-тайм: 25.Муроджон Зухуров (45.Акбар Тўраев 60), 3.Шукурали Пўлатов, 7.Алибобо Раҳматуллаев, 9.Мансур Саидов, 10.Анвар Бердиев, 13.Рустам Аъзамов, 19.Забихилло Ўринбоев, 20.Сергей Симоненко, 27.Сардор Собирхўжаев, 30.Ҳасан Асқаров, 44.Миржамол Қосимов (33.Олег Зотеев 80)
"Ягеллония": 1.Якуб Словик, 25.Адам Радецкий (15.Якуб Тосик 51), 24.Томас Поребски (4.Михал Паздан 51), 19.Угочукви Ука, 3.Жонатан Страус (7.Георги Попкадзе 46), 18.Мартин Баран (2.Рафал Гшиб 60), 20.Мацией Гаёс (8.Жоел Первую 51), 21.Прземистав Мистаковски (34.Бартош Сулковский 31; 99.Дани Куинтана 51), 10.Николай Дзаламидзе (14.Адам Дживигала 51), 22.Робертс Савалникс (6.Давид Пилизга 51), 27.Матеус Пятиковски (9.Бекин Балаж 51)
6 февраль. Анталия. “Blue waters” футбол майдони