Анвар Ғофуров ҳам шундай номлар сирасига киради. Самарқандлик футболчи "қалдирғочлар" либосини кийиш бўйича жамоанинг мутлақ рекордчиси бўлиб турибди.

Фаолияти давомида "Динамо", "Сўғдиёна", "Пахтакор", "Навбаҳор", "Обод" ва "Машъал" сингари жамоалар шарафини ҳимоя қилган Ғофуров энг ёрқин йилларини ҳам, футболдаги энг оғир кунларини ҳам "Бунёдкор"да ўтказди. 

Анвар ака тўғрисида кимга савол беришингиздан қатъий назар, унинг карьераси ва яшил майдондаги ҳаракатлари эмас, бевосита шахсияти тўғрисида гапиришни бошлайди. 

Ҳаётда садоқатни қадрлайдиган инсон ўз вақтида "Персеполис", "Ал Иттифоқ", "Ал Ваҳда" ҳамда шарқ клубларидан тушган таклифларни рад қилишга мажбур бўлди. 

Яшил майдондаги 20 йиллик фаолиятидан кейин "Бунёдкор"нинг мураббийлар штабида фаолият юритаётган Ғофуров бугун 40 ёшини қаршилаяпти. Анвар акани туғилган куни билан табриклаймиз!

38 ёшда фаолиятини якунлаган Анвар Ғофуров ҳақида