Бугун Суперлигага доир йиғилиш бўлади
03 авг 2020 10:58
Новости

Бугун Суперлигага доир йиғилиш бўлади

Бизга маълум бўлишича, бугун Coca Cola Суперлигаси клублари вакиллари иштирокида йиғилиш ўтказилади.

ЎФА биносида бўлиб ўтадиган йиғилишдан кўзланган асосий мақсад, буёғига Суперлига баҳсларини қай тарзда давом эттириш. Қолаверса биринчи давра якунидан кейинги мусобақа форматини кўриб чиқиш, Ўзбекистон U-19 терма жамоасининг Осиё чемпионатига тайёргарлиги ҳамда миллий терма жамоамизнинг ЖЧ-2022 саралаш баҳсларига ҳозирлик кўриш масалаларига ҳам эътибор қаратилади.

Coca Cola Суперлига ўйинлари бугундан давом эттирилиши лозим эди, бироқ юртимизда карантин қоидалари кучайтирилгани боис ўйинлар 15 августга қадар қолдирилганидан хабарингиз бор. Бугунги йиғилишда Суперлигани айнан қайси санадан бошлаб давом эттириш ҳамда ўйинларни қай тарзда ўтказиш масаласига ойдинлик киритилиши кутилмоқда.

Ссылка :

Источник : championat.asia

Получайте новости прямо в Telegram!

Рейтинг: -4