Бугун Олим Тўйчибоев олий лигада дебют қилади

Мухлислар Ғузорда “Шўртан” – “Бунёдкор” қарама–қаршилигига гувоҳ бўлишса, Жиззахда “Сўғдиёна” “Локомотив” билан ҳисоб–китоб қилади.

Олий лига. 4–тур
10 апрель (якшанба)
ШЎРТАН – БУНЁДКОР
Бош ҳакам: Олим Тўйчибоев (Фарғона).
Олим Тўйчибоев бугун олий лигадаги дебют ўйини ўтказади. Бу учрашув “Шўртан” – “Бунёдкор” баҳсига тўғри келди. Кўрамиз, фарғоналик ҳакамнинг дебюти ким учун омадли келар экан?!

СЎҒДИЁНА – ЛОКОМОТИВ
Бош ҳакам: Виктор Серазетдинов (Тошкент).
2015 йил олий лигада 14та учрашувни бошқарган Виктор Серазетдинов “Сўғдиёна” учун омадсиз ҳакам дейиш мумкин. Албатта буни тўғридан–тўғри тушунмаслик керак. Шунчаки, статистика шуни кўрсатмоқда. Серазетдинов ўтган мавсум жиззахликларнинг 3та ўйини бошқарган. Аҳамиятлиси, уччала учрашувда ҳам “Сўғдиёна” мағлубиятга учраган. Мағлубиятнинг иккитаси ўз майдонидаги беллашувларда қабул қилиб олинган.

“Локомотив” ҳам бу борада у қадар омадли эмас. Ўтган мавсум чемпионликни қўлга кирита олмаган “темирйўлчилар”га биринчи даврада йўқотилган очколар панд берган. Хусусан, “Локо” биринчи даврада сафарда “Олмалиқ” билан дуранг ўйнаб, икки очко йўқотган эди. Айнан ўша беллашувни Серазетдинов бошқарган.

2015 йил. “Сўғдиёна” иштирокидаги учрашувлар
НАСАФ – СЎҒДИЁНА – 3:1
СЎҒДИЁНА – НЕФТЧИ – 0:1
СЎҒДИЁНА – БУХОРО – 2:3

“Локомотив” иштирокидаги учрашув
ОЛМАЛИҚ – ЛОКОМОТИВ – 2:2