Бугун клублар ўртасидаги жаҳон чемпионатининг 2 та учрашуви ўтказилади

Бугун ушбу турнирнинг икки баҳси бўлиб ўтади. Тошкент вақти билан соат 12:30да "Чонбук Моторс" мусобақанинг бешинчи ўрни учун ЖАРнинг "Мамелоди Сандаунс" клуби билан курашади. Ушбу баҳс Осакадаги "Суита Сити" стадионида ўтказилади. Ўзбекистонлик ФИФА рефериси Равшан Эрматов ушбу баҳсда ўз фаолиятида илк маротаба видео ассистент сифатида ишлайди. Учрашувни Наваф Шукралла бошчилигидаги ҳакамлар бригадаси бошқаради.

5-ўрин учун баҳс

12:30. "Чонбук Моторс" - "Мамелоди Сандаунс"

Бош ҳакам: Наваф Шукралла. Видео ассистент: Равшан Эрматов.

Куннинг иккинчи учрашувида Либертадорес Кубоги соҳиби, Колумбиянинг "Атлетико Насьонал" клуби "Кашима Антлерс"га қарши ўйнайди. Ушбу баҳс ҳам Осакадаги аренада бўлиб ўтади. Учрашув Тошкент вақти билан 15:30да бошланади. Бу ўйинда финалчи номи аниқланади. Баҳсни Виктор Кашшаи бошчилигидаги ҳакамлар гуруҳи бошқаради.

Ярим финал

15:30. "Атлетико Насьонал" - "Кашима Антлерс"

Бош ҳакам: Виктор Кашшаи.