Бугун ҳам иккита дерби, имкониятлар бугун ҳам тенг

Водийда қўқонлик мухлислар ўз майдонларида Бахтиёр Ашурматов жамоасини қабул қиладилар. Бу ўйинда икки жамоанинг имкониятларини теппа-тенг баҳолаш мумкин. "Навбаҳор"да Дилшод Жабборов катта йўқотиш бўлиши мумкин. Шаҳбоз Эркиновни майдонга қайтиши меҳмонларнинг фойдасига. Бир тур аввал дам олган Қувондиқ Рўзиев ва Дониёр Усмонов яна майдонга қайтадилар.

"Қўқон-1912" (Қўқон) - "Навбаҳор" (Наманган)
Имкониятлар: 50:50%
Ҳакамлар: О. Толибжонов (Тошкент), Р. Самандаров (Навоий), О. Жумаев (Навоий), А. Рахимов (Андижон)
Назоратчи: А. Хотамов (Тошкент).




"Локомотив" жамоаси бир ўйинда ўнлаб имкониятларга эга бўляпти. Агар шу имкониятлардан унумли фойдалана олганида имкониятларни 40:60% баҳолаган бўлардик. Лекин, ўзбек футболидаги касаллик. "Бухоро" эса ҳали бирон жамоадан тўлиқ уч очко олмади. Эртага жамоани янги бош мураббий бошлаб тушади. "Локомотив" эса имкон қадар қолган ўйинларда уч очкони йўқотмасликка ҳаракат қилади.

"Бухоро" (Бухоро) - "Локомотив" (Тошкент)
Имкониятлар: 45:55%
Ҳакамлар: В. Агишев (Тошкент), Р. Серазетдинов (Тошкент), Р. Шояхметов (Тошкент), Н. Қосимов (Қарши)
Назоратчи: А. Абдуллаев (Тошкент).




Гарчанд бу ўйин аввалгидек аҳамиятга эга бўлмасада, "Бунёдкор" сафида Шораҳмедов, Каримов ва Иброҳимов каби футболчилар ғурур учун ҳам майдонга чиқадилар. Айнан улар аввалги "дерби"ни хадисини олганлар сирасига кирадилар. "Пахтакор"ни эса сўнгги турларда ўйинлари анча яхшиланди. "Бунёдкор"да ЖЧ туфайли йўқотишлар бор, "Пахтакор"да эса бу билан муаммо деярли йўқ.

"Пахтакор" (Тошкент) - "Бунёдкор" (Тошкент)
Имкониятлар: 50:50%
Ҳакамлар: Р. Эрматов (Тошкент), А. Расулов (Тошкент), Ж. Саидов (Тошкент), А. Рисқуллаев (Тошкент)
Назоратчи: Б. Галеев (Урганч).




Қаршида бўлиб ўтадиган ўйинда шубҳасиз фаворит "Насаф". Ҳеч қандай йўқотиш йўқ. Ўз навбатида "Сўғдиёна"да ҳам. Бугунги ўйинда Геворкян катта саҳнага чиқиши мумкин. "Сўғдиёна"да эса ҳимоя билан боғлиқ муаммо йўқ эмас.

"Насаф" (Қарши) - "Сўғдиёна" (Жиззах)
Имкониятлар: 60:40%
Ҳакамлар: В. Серазетдинов (Тошкент), С. Шоюсупов (Тошкент), Д. Сайлалов (Тошкент), Б. Юльчараев (Гулистон)
Назоратчи: Р. Айтеков (Тошкент).