Бугун футбол. "Насаф" - "Қизилқум"

Қаршида "Насаф" Навоийнинг "Қизилқум" клубини қабул қилади. Турнир жадвалида "Насаф" 41 очко билан иккинчи ўринда бормоқда, "Қизилқум" эса 27 очко жамғарган ҳолда 11-ўринни эгаллаб турибди. 

Факт: "Насаф" уй учрашувларида шу пайтгача 9 марта ғалаба қозониб, фақат битта беллашувда мағлуб бўлган. Қаршиликлар ўз майдонларида "Бунёдкор"га ютқазиб қўйишган. Бундан ташқари, "Насаф" уйдаги ўйинларда фақат иккита гол ўтказиб юборган. 

Биласизми? "Насаф" иккинчи давранинг охирги тўртта баҳсини кетма-кет тўрт ғалаба билан якунлади. Шу ғалабаларнинг иккитаси уйда, яна иккитаси сафардаги баҳсларда қўлга киритилди. 

Эсингизда бўлса, Навоийда кечган биринчи давра учрашувида томонлар 1:1 ҳисобида дурангга имзо чекишганди. Бугунги ўйин қандай якун топишини эса баҳс ниҳоясида билиб оламиз. 

Факт: "Қизилқум" сафарда шу пайтгача 9 очколи бўлган. Жамоа иккита ўйинда ғалабага эришган. Иккала ғалаба ҳам биринчи даврада қўлга киритилган. Тошкентда "Бунёдкор" ҳамда Самарқандда "Динамо" клублари бир хил 1:0 ҳисобида мағлуб этилган. 

Биласизми? Иккинчи даврада "Қизилқум" фақат битта беллашувда ғалаба қозонди. Жамоа ўз майдонида "Қўқон-1912"дан устун келди. Охирги уч ўйин эса кетма-кет дуранг билан якун топди. "Қизилқум" сафардаги охирги ўйинида "Сўғдиёна" билан 1:1 ўйнади.