Бугун футбол. "Насаф" - "Металлург"

17:00 - “Насаф” (Қарши) – “Металлург” (Бекобод)

Ҳакамлар: Р. Эрматов (Тошкент), А. Расулов (Тошкент), Ж. Саидов (Тошкент), Ж. Мухторов (Тошкент)

Назоратчи: А. Арутюнов (Тошкент)

ЎзПФЛ вакили: Н. Лутфулин

Олий лигани иккинчи ўринда тугатиш учун "Насаф" астойдил ҳаракат қилмоқда. Бугун жамоа яна бир муҳим баҳсда майдонга тушади. "Насаф" турнир жадвалида 53 очко билан 2-ўринни банд этиб турибди, "Металлург" ҳисобида эса 34 очко бор ва бу жамоа 10-ўринда бормоқда. 

Биласизми? "Насаф" охирги саккизта ўйинни ғалаба билан якунлади ва шу ўйинларда атиги битта гол ўтказди. Қаршиликлар ўтган турда "Машъал"дан гол ўтказиб юборишди. 

"Металлург" иккинчи даврани бир текис ўтказа олмаяпти. Жамоа ҳозирча тўртта ғалабага эришган бўлса, шундан иккитаси сафарда ва яна иккитаси уйдаги учрашувларда қўлга киритилган. Бекободликлар сафарда "Шўртан" ва "Динамо"дан устун келган бўлишса, уйда "Қўқон-1912" ҳамда "Олмалиқ"ни мағлуб этишди. 

Факт: "Металлург" иккинчи даврада сафарда ғалаба қозонган иккала ўйинида ҳам ўз дарвозасидан гол ўтказиб юбормаган. 

Ўйинни ким бошқаради? Бу баҳсни Равшан Эрматов бошчилигидаги ҳакамлар брригадаси бошқариб боради. ФИФА рефериси Равшан Эрматов ҳозирча "Насаф"нинг бешта ўйинини бошқарган ва ҳамма учрашувларни "Насаф" сафарда ўтказган. Мана шу ўйинларнинг иккитасида қаршиликлар зафар қучиб, уч бор мағлубиятга учраган. Эрматов "Металлург"нинг учта ўйинида ишлаган. Учала учрашув ҳам Бекободда ўтказилган. Майдон эгалари икки бор ютиб, бир марта ютқазиб қўйишган.