Бугун 15:30. "Машъал" - "Пахтакор"
30 окт 2016 10:20
Новости

Бугун 15:30. "Машъал" - "Пахтакор"

Олий лиганинг 27-турида "Пахтакор" Муборакка сафар уюштиради.

26-турда "Обод"дан устун келган "Машъал" айни пайтда 8-ўринни эгаллаш учун курашга киришган. Жамоа ўз майдонида яхши ўйин намойиш этади. Муборакдаги баҳсни мезбонлардан Аббос Шодмонов, меҳмонлардан Жамшид Искандеров дисквалификация туфайли ўтказиб юборишади.

Қарама-қаршилик
Олий лигада жамоалар ҳозирга қадар 31 учрашувда тўқнаш келишган. "Пахтакор" 22, "Машъал" 4 ўйинда зафар қучган. 5 баҳс дуранг билан якунланган. 62 тўп киритган "шерлар" 20 бор дарвозадан тўп олиб чиқишган. Муборакдаги беллашувларнинг 8тасида тошкентликлар, 3тасида мезбонлар ғолиб бўлган. 4 ўйинда дуранг қайд этилган.

Ўйин расмийлари
Муборакдаги учрашувни Олим Толибжонов бошчилигидаги ҳакамлар гуруҳи бошқаради. У жорий мавсум олий лигада "Пахтакор"нинг уч ўйинини бошқарди. "Қўқон-1912" ва "Навбаҳор"дан устун келган "Пахтакор" "Бухоро" билан дуранг ўйнаган.

"МАШЪАЛ" - "ПАХТАКОР"
Ҳакамлар: Олим Толибжонов (Тошкент), Наби Рўзимов (Тошкент), Владлен Лушин (Гулистон), Элёр Турсунов (Бухоро).
Назоратчи: Арслон Ҳотамов (Тошкент).

Ўйин 30 октябрь, якшанба куни Муборакдаги Баҳром Вафоев номли стадионда 15:30да бошланади.

Ссылка :

Источник : pakhtakor.uz

Получайте новости прямо в Telegram!

Рейтинг: +1