Буффон футболчилик фаолиятини якунлагач, мактабда таълим олади
03 июл 2020 22:45
Новости

Буффон футболчилик фаолиятини якунлагач, мактабда таълим олади

Туриннинг “Ювентус” клуби посбони Жанлуиджи Буффоннинг тан олишича, у фаолиятини якунлагач, мактабдаги таълимни давом эттириб якунига етказиш ниятида.

“Футболни тугатсам, ижодий таътилга чиқаман. Ўшанда ўзимга ва оиламга етарлича вақт ажрата оламан. Қолаверса, якунига етмаган мактаб таълиминиям охирига етказиб қўйиш ниятидаман. Ота-онам 30 йилдан буён шу таълимни охирига етказиб қўйишим лозимлигини таъкидлашдан чарчашмайди”, дея Буффоннинг сўзларидан иқтибос келтирмоқда Sky Sport Italia.

Эслатиб ўтамиз, 29 июнь куни Турин клуби 42 ёшли посбони билан амалдаги шартномани 2021 йилнинг ёзига қадар узайтирганини эълон қилди.

Буффон 2001 йилнинг ёзида “Парма”дан “Ювентус”га 52,88 миллион евро эвазига кўчиб ўтганди. 2018 йилда кипер эркин агент сифатида ПСЖ аъзосига айланди. Аммо бир йил ўтиб, у яна қадрдон жамоаси “Юве”га қайтди. Жорий мавсумда Италия чемпионатида еттита учрашувда майдонга тушиб, еттита гол ўтказди.

Ссылка :

Источник : Sky Sport Italia

Получайте новости прямо в Telegram!

Рейтинг: +10