Бразилия – Голландия ўйинига оид 5 та қизиқарли факт

Қуйида эътиборингизга бугунги ўйин иштирокчиларига оид қизиқарли 5 та фактни ҳавола қиламиз.

1) ЖЧ-2014 ярим финалидан ўрин олган Аргентина – Голландия ўйини Жаҳон чемпионатлари тарихига дуранг (асосий ва қўшимча бўлимларда ҳисоб очилмаганди) қайд этилган учрашув сифатида киритилди. Пенальтилар сериясидагина омад Аргентинага кулиб боққанди. Демак, Голландия ушбу мундиалда ҳали мағлубиятга учрамаган жамоа бўлиб қолмоқда. Шунингдек, Коста-Рика, Аргентина ва Германия ҳам ҳали Бразилиядаги ЖЧда мағлубиятга учрамаган.

2) Бразилия ўзи мезбонлик қилаётган жаҳон чемпионатида энг кўп гол ўтказиб юборган – 11 та. Камерун ва Австралия терма жамоалари ўз дарвозаларидан 9 та тўп олиб чиқишган. Сўнгги бор 1938 йилги мундиалда бразилиялик футболчилар 11 та гол қўйиб юборишган эди. Шу пайтгача ҳеч бир мезбон терма жамоа қолган иштирокчилардан кўп тўп ўтказиб юбормаганди.

3) Голландия терма жамоаси учун 9 та жаҳон чемпионатларидаги сўнгги учрашувлар мағлубият билан якунланган.

4) Бразилия терма жамоаси ЖЧларда 3-ўрин учун ўйинда уч маротаба майдонга тушган: 1938 йили улар Швецияни 4:2 ҳисобида мағлуб этишган, 1974 йили Польшага 0:1 ҳисобида ютқазишган, 1978 йили эса Италиядан устун (2:1) келишган.

5) Ушбу мундиалдаги Голландия терма жамоаси иштирокидаги 3 та ўйинда учрашувнинг энг яхши футболчиси рақиб жамоа дарвозабони бўлган: Гильермо Очоа (Мексика), Кейлор Навас (Коста-Рика) ва Серхио Ромеро (Аргентина).