RU

Последние новости

21:10Хейсен «Сосьедад»га қарши ўйиндаги ўз четлатишини ВАР бекор қилиши керак эди деб ҳисоблайди  1 21:09ОЧЛ 2. "Ал Аҳли" - "Ал Ҳалдия". "Андижон"нинг гуруҳидаги иккинчи ўйин старт олди (онлайн ҳисоб)  0 20:38ОЧЛ-2. "Андижон" меҳмонда "Аркадағ" билан дуранг ўйнади  112 19:36Гвардиола «Ман Сити»ни ЧЛда ғолибликка даъвогар деб ҳисобламайди: «Аниқ йўқ. Фақат лаҳзалардан роҳатланиб, бу ерда бўлганимиздан хурсандмиз»  2 18:31Собиқ ҳакам Буррул «Реал»нинг иккинчи пенальтиси ҳақида: «Нотўғри белгиланган. Ўйинчи йиқилди, қўл ҳаракати табиий»  22 17:29"Қизилқум" майдондан чиқишни хоҳламаган футболчи билан шартномани бекор қилди  11 17:15Қайси клуб ҳозирги таркиби учун энг кўп пул сарфлаган?  9 16:50Пролига 15-турида ишловчи расмийлар  0 16:21Осиё томон йўлга чиқиш навбати "Андижон"га — ОФКнинг клублар мусобақаларида қатнашган барча ўзбек клублари  17 16:06"Реал" юлдузларидан бири 1.5 ойга сафдан чиқди  7 16:00Биринчи лига 15-турида ишловчи расмийлар  1 15:20"Насаф"нинг ОЧЛдаги 9-мавсуми бошланди  12 15:20Туғилган кун муборак, ўзбек футболи қироли — Миржалол Қосимов!   256 14:50"Реал" Чемпионлар лигасида пенальтилар сони бўйича рекордчи бўлди  13 14:33Ямал "Барселона"нинг қайдномасига киритилмади  0

Бранко Иванкович: “Эртага “Пахтакор”дан яхшироқ бўлишга ҳаракат қиламиз” Новости

Бранко Иванкович: “Эртага “Пахтакор”дан яхшироқ бўлишга ҳаракат қиламиз”

ОЧЛ-2019 гуруҳ босқичи 5-тури доирасидаги “Пахтакор” – “Персеполис” учрашувидан олдинги матбуот анжуманида дастлаб меҳмонлар устози Бранко Иванкович ва дарвозабон Алиризо Бейранванд иштирок этишди.

“Мусобақа бошланишидан олдин бизнинг гуруҳ энг кучли эканлигини айтгандим. Амалда ҳам шундай бўлмоқда. “Пахтакор” Ўзбекистонда пешқадам, “Ал Садд” Қатар чемпиони бўлди, “Ал Аҳли” ҳам Саудияда кучли ўйнамоқда. “Пахтакор”нинг “Ал Садд” билан иккала ўйинни кузатдик. “Пахтакор” анча шаклланган жамоа ҳисобланади. Эртага жуда шиддатли ўйин бўлишига шубҳа йўқ. Таркибимизда йўқотишлар бор. Ҳалилзода дисквалификация туфайли ўйнамайди, Рабиҳ эса ўзини ёмон ҳис қилмоқда. Унинг майдонга тушиш ёки тушмаслиги бугунги машғулотдан кейин маълум бўлади”, - дейди Иванкович.  

“Персеполис” билан охирги 4 йилда эришаётган натижаларимиз учун яратганга раҳмат айтаман. “Пахтакор”ни ҳурмат қиламиз, лекин биз 3 очко олиш учун Тошкентга келди. Рақибни ўрганиб чиқдик, уларнинг кучли ва кучсиз томонларини жуда яхши биламиз”, - дейди Бейранванд. 

- Эртага меҳмонда ўйнайсизлар. Рақибнинг мухлислари “Пахтакор”га ёрдам бериши мумкин. Бу жамоаингизни босим остида қолдирмайдими? 
- Биз маълум тажрибага эгамиз. ОЧЛда охирги икки йилда ярим финалгача етиб келдик. Биз жуда қийин шароитларда ва босимлар остида ўйнаганмиз. “Персеполис” сафида ўйнар экансан босимга дош бера олишинг керак. Футболдан лаззат олиш керак.

- Теҳронда ўйнаган “Пахтакор” ва ҳозирги “Пахтакор” ўртасидаги фарқ борми? 
- Ҳа, бор. У пайтда ҳали Ўзбекистонда чемпионат бошланмаган эди. Ҳозир эса айни қизиган пайти. “Пахтакор” миллий чемпионатда ишонч билан пешқадамлик қилмоқда.

- Эртага ҳакамлар хато қилишлари мумкин. Бундан қўрқмайсизми? 
- Йўқ, футболда бу нарса бўлиб туради. Ҳеч қачон ҳакамларга айбни қўймаймиз. Мағлубиятни жамоа ичидан излаймиз. ОЧЛда ҳакамлар юқори савияда ишлашга ҳаракат қилишади.

- Бу мавсум ОЧЛда сафардаги иккала ўйинда ҳам ютқаздинглар. Эртага ҳам сафарда ўйнайсизлар. 
- Мақсадим доим бир хил – ғалаба. Биз ҳар бир рақибни ҳурмат қиламиз, аммо рақиб ким бўлишидан ташқари фақат ғалаба учун ўйнаймиз. “Персеполис” фалсафаси ўзи иштирок этаётган ҳар бир мусобақада ғолиб бўлиш. Эртага “Пахтакор”дан яхшироқ бўлишга ҳаракат қиламиз.

- Ўтган мавсум “Насаф”га, бу йил “Пахтакор”га қарши ўйнаяпсиз. Ўзбек футболи ҳақида тасаввурга эга бўлдингизми? 
- “Насаф”га қарши иккита оғир ўйин ўтказган эдик. Улар Ўзбекистоннинг 4та кучли клубидан бири бўлмаса ҳам улар билан Қаршида жуда қийин ўйин ўтказгандик. Ўзбек футболини жуда ҳурмат қиламан. “Пахтакор”да ёшлар ва тажрибали футболчилар ўртасида ажойиб уйғунлик бор, уларда ажойиб янги авлод бор. Очиғини айтганда Ўзбекистон терма жамоасидан Осиё Кубогида яхшироқ натижа кутгандим.

- Жуда кўпчилик мухлислар “Персеполис” гуруҳдан чиқишини кутмоқда. Бу футболчиларга қандай таъсир қилмоқда? 
Алиризо Бейранванд: - Ўтган йил ОЧЛ финалида ўйнадик. Ўшанда ФИФА икки футболчимизни рўйхатдан ўтказишни тақиқлаб қўйганди. Шунга қарамай финалгача етиб боргандик. Эрон чемпионатида биринчи ўриндамиз, сўнгги икки турда 4 очко олсак чемпионликка эришамиз. Эрон кубогида ҳам ярим финалга йўл олдик. Учта мусобақада бир пайтнинг ўзида кураш олиб бораяпмиз. Мураббийимиз деярли ҳар ўйиндан кейин чарчамагансизлар деб бизни руҳлантирмоқда. Бу ерга роҳатланиб футбол ўйнаш учун келганмиз. Ғалабага эришиб мухлисларни хурсанд қиламиз деб ўйлайман. 

- Бир неча йиллардан буён Эрон терма жамоасида ўйнаб келаяпсиз. Европа клубларидан ўйнашни истайсизми? Қайси чемпионат сизга кўпроқ ёқади?
Алиризо Бейранванд:
- “Персеполис”га қўшилган пайтимда бу клуб Осиёнинг энг машҳур клубларидан бири эканлигини билардим. Жамоамизда жуда кучли ва етук мутахассис иш олиб бормоқда. Тўғрисини айтаман шу клубда янада кўпроқ ўйнашни истардим. ЖЧ-2018дан кейин менга таклифлар бўлди. Лекин ФИФА томонидан янги футболчиларни рўйхатдан ўтказиш бўйича тақиқ қўйилган, шу боис жаноб Бранко билан бўлиб ўтган суҳбатдан кейин қолишга қарор қилдим. Фаолиятимдаги энг ажойиб воқеаларни айнан шу клубда бошдан кечирдим. Орзуим Европанинг энг таниқли клубларидан бирида ўйнаш. 

Нарзулла Сайдуллаев ёзиб олди

Рейтинг: +4   

Комментарии

championat.asia
< посмотреть последние новости
Яндекс.Метрика