“Боруссия Дортмунд” А Сериянинг янги юлдузини сотиб олмоқчи

“Барселона”, “Бавария” ва “Челси” изидан “Боруссия Дортмунд” ҳам айни дамда “Женоа” сафида А Серия тўпурари бўлиб турган Кшиштоф Пентекка қизиқиб қолди.

“Бизни кўплаб ўйинчилар билан боғлашади, аммо шуниси тушунарлики, биз улар билан боғлиқ ҳолатларни кузатиб борамиз”,—деб вазиятга муносабат билдирган дортмундликлар спорт директори Михаэл Сорк.

Аввалроқ “Наполи”нинг Кшиштоф учун 25 млн евро тўлашга тайёр эканлиги, аммо “Женоа”нинг 60 млндан камига уни сотмаслиги маълум бўлганди.

Маълумот учун, ҳужумчи амалдаги мавсумда А Сериянинг 7 та ўйинида 9 та гол уришга эришди.