"Боруссия Д" Мукоко билан шартномасини 2027 йилгача узайтиради
20 янв 2023 11:31
Новости

"Боруссия Д" Мукоко билан шартномасини 2027 йилгача узайтиради

Дортмунднинг "Боруссия" клуби ҳужумчиси Юссуфа Мукоко немис клуби билан битимини узайтиришга рози бўлди.

Журналист Николо Скиранинг хабар беришича, у 2027 йилгача мўлжалланган янги шартнома тузади.

18 ёшли ҳужумчи жорий мавсум "Боруссия" Дортмунд сафида барча турнирлар доирасида 22 та ўйинда майдонга тушиб, 6 та гол урди ва 6 та голли узатмани амалга оширди.

Унинг клуб билан амалдаги келишуви 2023 йилнинг ёзига қадар мўлжалланган. Юссуфа Мукокога "Барселона", "Ливерпуль", "Челси", "Манчестер Юнайтед" ва Англия Премьер-лигасининг бошқа вакиллари қизиқиш билдирган.

Аввалроқ Мукоко ёшини сохталаштиришда гумон қилинаётгани хабар қилинган эди.

Ссылка :

Источник : twitter.com/NicoSchira

Получайте новости прямо в Telegram!

Рейтинг: +1