Бора Милутинович: "Абрамовнинг кўрсатмалари тўғри бажарилса уни енгиш жуда қийин бўлади"
18 мар 2015 10:08
Новости

Бора Милутинович: "Абрамовнинг кўрсатмалари тўғри бажарилса уни енгиш жуда қийин бўлади"

Доҳа, 17 март -Вадим Абрамов билан матбуот анжуманидан сўнг кўришиб, унга далда бўлган Ироқ терма жамоаси бош мураббийи Бора Милутинович, матбуот хизматимизга қисқача интервью беришга рози бўлди.

- "Ўйинни ўз кўзим билан томоша қилмаганимда, бу жамоани Абрамов эмас, қандайдир ёш йигит бошқаряпти деган фикрга борардим. "Локомотив" минтақангизда ҳам жисмонан, ҳам тактик жиҳатдан кучли жамоалардан саналади. Абрамовнинг кўрсатмалари тўғри бажарилса уни енгиш жуда қийин. Таркиб ва ўйинчиларни танлаш бўйича бирор нарса дея олмайман. Аммо, биринчи дақиқалардан "Локо", рақиби "Ал-Садд"га қараганда анча устун кўринди.

Тезкор иккита гол эса, жамоадаги ўйинчилар орасида қандайдир тушунмовчилик мавжуд бўлгани учун юзага келгандек. Ҳудди ўйинчилар уришиб қолгандек, балки низо ҳам бордек, назаримда. Лекин, аниқ бир фикр билдира олмайман, жамоа ичида эмасман. Абрамовга ачиндим, шунча меҳнат ва ҳаракатлар битта ўйин туфайли чиппакка чиқса. Бироқ, бундай вазият ҳар ким билан ҳам бўлади, хатто Бразилиядек футбол юлдузларига бой жамоа билан ҳам.

Нима ҳам дердим, "Локомотив" бу мағлубиятдан тўғри хулоса чиқариб, бундан кейинги учрашувларда ёрқин ўйин намойиш қилишига тилакдошман", - дея фикрини якунлади, 74 ёшлик, сербиялик мутахассис.

Ссылка :

Источник : lokomotiv.uz

Получайте новости прямо в Telegram!

Рейтинг: