Бонуччи "Милан"даги фаолиятидан олган фойдаси ҳақида гапирди

"2016/17 йилги мавсум ҳам шахсий ҳам профессионал фаолиятим учун катта қийинчиликлар туғдирди. Кўплаб келишмовчиликлар бўлди, айниқса ЕЧЛдаги мағлубиятдан кейин бу кучайиб кетди. Якунда мен жуда ҳам ёмон қарор қабул қилдим.

Айтишим мумкинки, фаолиятимдаги энг ёмон қарор ҳам менга инсон сифатида айрим яхши ҳолатлар билан ёдда қолди. "Милан"да ўтказган ойларимда мен ўзимни таҳлил қилдим ва жамоам фақатгина "Ювентус" бўлишини ҳис қилдим.

"Милан"да ҳам кўплаб яхши инсонларни кўрдим, улардан энг ажойиби Женнаро Гаттузо эди. Оғир мавсумни ўтказган бўлсак-да, буни фойдасиз деб бўлмайди. Барибир уйимга қайтганимдан хурсандман", - деди Бонуччи.