Болаларга беринг дунёни...

Шу муносабат билан бугун эрта тонгда “Насаф” футбол мактабига қарашли барча футбол майдонлари болажонлар билан гавжум бўлди.

Унда Қашқадарё вилоятининг Шаҳрисабз, Қамаши, Чироқчи, Нишон, Касби, Қарши, Муборак, шунингдек қўшни Сурхондарё ва Жиззах вилоятларидан келган 64 та жамоа сафида 700 га яқин болажонлар кун давомида яшил майдонда ўз маҳоратларини намойиш этишди.

Тадбирнинг очилиш маросимида “Насаф” ПФК бош менежери Шамил Ярулин сўзга чиқиб, бугунги байрам билан болажонларни табриклади. Улар орасидан юртимиз шарафини муносиб ҳимоя қиладиган етук футболчилари етишиб чиқишига тилак билдирди.

Мусоба якунларига кўра, 2004 йилларда туғилган футболчилар ўртасида ғузорлик ўсмирлар бош совринга эгалик қилган бўлишса, 2005 йилда таваллуд топган футболчилар ўртасидаги баҳсларда Жиззах вилоятининг Зарбдор тумани жамоаси тенгсиз дея эътироф этилди. 2006 йилда туғилган болалар ўртасидаги беллашувда “Насаф” футбол мактабининг Қарши шаҳри филиали жамоаси 1-ўринни қўлга киритди.

Мусобақа сўнггида ғолиб ва совриндорлар эсдалик совғалари ва кубок билан тақдирланишди.