Бобурбек Йўлдошев: "Терма жамоага чақирилганимни энди эшитдим ва бундан мамнунман"

Биз эса таркиб аъзоларининг Осиё чемпионати олдидан дастлабки фикрлари билан қизиқиб уларга мурожаат этдик. 

"Уммонда бўлиб ўтадиган Осиё чемпионати олдидан ташкил этиладиган йиғинга чақирилганимдан мамнунман ва бу ҳақида ҳозир сиздан эшитдим. Ҳали хабарим йўқ эди. Шу терма жамоа учун 50 талик рўйҳатида борлигим ҳақида айтган эди лекин йиғин ҳақида эшитмаган эдим.

Ҳозирги вақтда Фарғонадаман ва оилам билан дам олмоқдаман. Эртага Тошкентга йўлга тушамиз. "Локомотив" билан Тошкентда дастлабки машғулотларни ўтаймиз.

Бу терма жамоа ҳақида ҳали етарлича маълумотга эга эмасман лекин бу таркиб жуда кучли бўлишини ҳис қилмоқдаман. Негаки асосан 1993 йилда таваллуд топган жамоа ажойиб даражада шаклланган ва бунга 1991 ва 1992 йилда туғилган ёшларнинг ҳам қўшилиши жамоани фақат кучайтиради.

Бу жамоа Осиёнинг кучли жамоаларига ҳам муносиб рақиблик қила олади ва совриндор бўлади" - дея ўз фикрларини билдириб ўтади Ўзбекистон U-22 ёшлар терма жамоаси аъзоси Бобурбек Йўлдошев.

Ҳумоюн Давуров суҳбатлашди