BMB - "Пахтакор" футзал жамоалари ўртасидаги баҳс ҳаками қизил карточка кўрсатиши керакмиди? Ҳакамлар маркази экспертлар гуруҳи қарор чиқарди
18 янв 2023 12:27
Новости

BMB - "Пахтакор" футзал жамоалари ўртасидаги баҳс ҳаками қизил карточка кўрсатиши керакмиди? Ҳакамлар маркази экспертлар гуруҳи қарор чиқарди

Мазкур жамоалар ўртасида Қарши шаҳрида бўлиб ўтган тур ўйинида 1:0 ҳисобида BMB ғалаба қозониб турган бир пайтда пахтакорчилар ҳужум қиладилар.

Аҳрор Умаржонов дарвозабон ва ҳимоячини алдаб ўтган бир пайтда, уни қўполлик билан тўхтатишганини видеода кўришингиз мумкин. Ҳисобга таъсир қилган вазиятда ўша қанотдаги ҳакам Фурқат Азизов жарима зарбаси белгилаган аммо пойтахтликларга ҳеч қандай огоҳлантириш кўрсатмаган. ВИДЕОНИ КЎРИШ. Якунда баҳс BMB клубининг 3:0 ҳисобидаги ғалабаси билан тугаган.

Бу борада Ўзбекистон футбол ҳакамлари марказига мурожаат қилдик.

Футбол ҳакамлари марказининг 5 кишидан иборат экспертлар гуруҳидан 3 нафари бу қизил карточкага тортадиган вазият деб топди. Улар BMB футзалчиси "Пахтакор" футзалчисини яққол гол уриш имкониятидан маҳрум қилган деб ҳисоблашди.