Биринчи лига. Иккинчи босқич якунлари. Энг кам гол урган “Орол”
24 ноя 2015 16:35
Новости

Биринчи лига. Иккинчи босқич якунлари. Энг кам гол урган “Орол”

Теги : Орол

Нукусликлар жорий мавсумни бир амаллаб ҳар холда ижобий якунлаб олди дейиш мумкин.

Молиявий муаммолар қалашиб ётган бўлишига қарамай, маҳаллий футболчилар фидоийлик кўрсатиб, жамоа шанини муносиб ҳимоя қилди. Сафар учрашувлари ҳаминқадар амалга оширилсада, меҳмонда бир маротаба бўлсада зафар қуча олди. Шунингдек “Орол” жамоаси Ёзёвондаги баҳсга моддий қийинчилик туфайли бора олмай мухлисларини ажаблантирди.

Бош мураббий Неъматулла Қутибоев имкониятдан келиб чиқиб, маҳаллий йигитлардан курашчан жамоа тузишга интилди. Футболчиларнинг кўпчилигини бошқа қўшимча иши бўлгани боис “Орол” клубидан бериладиган пулга қараб қолган эмас. Ҳар холда буни ўйинчиларнинг ўзи билан суҳбатлашганимизда айтишганди. Бу борада нукуслик футболчиларга қойил қолмасдан илож йўқ.

Қуйида жамоанинг иккинчи босқичда қайд этган натижаси билан батафсил танишиш имкониятига эга бўласиз.

Ўйинлар	14
Умумий голлар	14
Уйда	8 (57,14%)
Сафарда	6 (42,86%)
Ўтказиб юборилган голлар	27
Уйда	10 (37,04%)
Сафарда	17 (62,96%)
Урилган ўртача голлар	1
Ўтказиб юборилган ўртача голлар	1,93
Уйдаги очколар	7/21 (33,33 %)
Сафардаги очколар	5/21 (23,81 %)
Энг йирик ғалаба	3:2 – “Хотира-79”
Энг йирик мағлубият	1:6 – “Цементчи”
Гол ўтказиб юборилган ўйинлар	3 (21,43%)
Голсиз ўйинлар	5 (35,71%)
Иродали ғалаба	1
Иродали дуранг	1
Иродасиз мағлубият	1
Иродасиз дуранг	0
Йирик ғалаба	0
Йирик мағлубият	2
Автогол (урилган/ўтказиб юборилган)	0/0
Огоҳлантириш (ўртача)	32 (2,29)
Четлатиш (ўртача) – Тўғридан тўғри/2-СК	3 (0,21) - 2/1
Мухлислар ташрифи (жами/ўртача)	10460/747

Нукусликлар иккинчи босқичда бошқаларга нисбатан энг кам гол урган жамоа бўлди, 17та. Ҳар бир учрашувга ўртача 1тадан тўп демакдир. Ўз дарвозасидан ўтказиб юборилган голлар сони эса 30тани ташкил этди. Ҳар бир учрашувга ўртача 2тадан гол деганидир.

“Орол”нинг иккинчи босқичдаги тўпурарлари Жавлон Пиримбетов билан Темур Турдиев бўлди. Мавсумдаги тўпурари эса Наврўзбек Ҳаипов бўлди. У биринчи босқичнинг ўзида 5та гол урган. Бу эса “Орол”даги энг юқори кўрсаткич бўлди.

Айтишларича Ҳаипов ёзда харбий хизматга сафарбар этилган. Шу боис мухлислар иккинчи босқичда унинг ўйинларидан баҳраманд бўлмади.

Ким қанча гол урди?

Футболчи	Гол	Пен.
Жавлон Пиримбетов	3
Темур Турдиев	3
Мурот Абдумуротов	2
Айбек Рўзимов	1
Дамир Низанов	1
Жонибек Гаипов	1
Марат Ауезниёзов	1
Нурлибек Таласбоев	1
Улуғбек Қутибоев	1