Биринчи лига. Дониёр Усмонов иккинчи босқич тўпурари

Эндиликда иккинчи якунларига оид эътиборга молик жиҳатларга тўхталиб ўтамиз. Бошқача айтганда жўжаларни санаш пайти келди.

Иккинчи босқичда энг кўп рақиблар дарвозасини ишғол этган ўйинчи Дониёр Усмонов бўлди. Давралар оралиғида “Қўқон-1912” таркибига “Локомотив” сафидан келиб қўшилган ҳужумчи иккинчи босқичда ўзи иштирок этган ўйинларда умумий 16та тўп киритишга эришди. Бунинг натижасида Усмонов қўқонлик мухлисларнинг ёқимтойига айланди. Айтиш мумкинки, чемпионатнинг биринчи босқичида “Шўртан” ҳужумчиси Виктор Клишин ўз ҳисобига 28та гол ёздириб қўйишга эришганди.

Иккинчи босқичда эса 32 ёшли футболчи яна 12та тўп киритган. Шу тариқа Клишиннинг жорий мавсумдаги умумий голлари сони 40та етди! Бу борада Виктор пешқадам бўлди.