Бир қанча жамоалар "Челси" ҳужумчисига қизиқиш билдирмоқда

Англиянинг "Челси" жамоаси ҳужумчиси Ромелу Лукакуга бир қанча клублар томонидан қизиқиш бор, дея хабар берди "La Gazzetta dello Sport".

Хабар қилинишича, клублар 30 ёшли Лукаку учун таклифлар юборишга тайёр. "Кўклар" ҳам ҳужумчисини қўйиб юборишга рози, унинг товон пули – 38 миллион фунт. "Челси" бу пулни "Наполи" ҳужумчиси Виктор Осимхен трансферида ишлатади.

Ромелу Лукаку жорий мавсум ижара асосида "Рома"да ўйнамоқда. У Рим клубида 42 та ўйинда майдонга тушиб, 19 та гол урди ва 4 та голга ассистентлик қилди.