Биласизми? Уммон Осиё Кубогида ҳеч қачон гуруҳдан чиқа олмаган
02 янв 2019 20:02
Новости

Биласизми? Уммон Осиё Кубогида ҳеч қачон гуруҳдан чиқа олмаган

Теги : Осиё кубоги-2019 Уммон

Яна 3 кундан сўнг БАА мамлакатида Осиё Кубоги старт олади.

Ўзбекистон терма жамоаси ушбу мусобақани Уммонга қарши баҳс билан бошлайди. Илк турдаги рақибимиз тўртинчи марта қитъа чемпионатида иштирок этади.

Олдинги учта мусобақанинг барчасида Уммон гуруҳда қолиб кетган.

2004 йил Хитойда ўтган Осиё Кубогида Уммон Японияга ютқазган (0:1), Эрон билан дуранг ўйнаган (2:2) ва Таиландни мағлуб этган (2:0). Тўрт очко тўплаган Уммон учинчи ўринни олган.

2007 йилги мусобақада Уммон Австралия (1:1) ва Ироқ (0:0) билан дуранг ўйнаган, Таиландга ютқазган (0:2). Уммон икки очко билан сўнгги ўринни эгаллаган эди.

Ниҳоят Австралияда ўтган Осиё Кубогида Уммон Жанубий Корея (0:1) ва Австралияга (0:4) ютқазган ҳамда Кувайтни мағлуб этган (1:0). Уч очко билан бўлажак рақибимиз учинчи ўринни банд этганди.