Бэйл тиғиз тақвим борасида эътирозини билдирди

"Сиз футболчиларга ғамхўрлик қилишингиз керак. Футболчиларсиз маҳсулот бўлмайди. Бу тез орада ёмон оқибатларга олиб келиши мумкин. Инсон танаси йилдан йилга бундай тиғиз тақвимга дош бера олмайди.

Нимадир ўзгариши керак, футбол раҳбарияти нимадир қилиши керак, лекин афсуски, ҳаммасига пул аралашган. Бу – бизнес, лекин ўйинчиларнинг фаровонлиги учун сиз пулдан воз кечишингиз керак.

Ўтган куни менга Де Брюйне атиги уч ҳафталик танаффусдан сўнг келаси мавсумда 79 ўйин ўтказиши мумкинлигини айтишди. Бу жуда кўп, аниқки, бирор нарсани ўзгартириш керак. Ҳар қандай ўйинчи сизга жуда кўп ўйин борлигини айтади. Бунчалик кўп ўйинлар билан юқори савияда ўйнашнинг иложи йўқ", – деди уэльслик футболчи.

Бейл аввалроқ "Хетафе"га ўтиши ҳақидаги хабарларни рад этган эди.