БЕШНИ ТАШЛА! Пента-трик қайд этган футболчилар
11 апр 2015 11:23
Новости

БЕШНИ ТАШЛА! Пента-трик қайд этган футболчилар

Буюк ва қўрқинчли Криштиану Роналду ўз фаолияти давомида биринчи марта бир учрашувда 5та гол урди, бундай фойдалилик билан бизни мамнун қилган 10 нафар футболчиларни эътиборингизга ҳавола этамиз.

Пента-трик - жуда камдан-кам учрайди ва барча чемпионатларда буни амалга оширган футболчини топса бўлади. Топ 5 чемпионатларда пента-трик бўйича Примеро етакчилик қилади.

Максим Шацких

ЖЧ-2010 саралаш босқичи,13.10.2007

ЎЗБЕКИСТОН - Хитой Тайпеи - 9:0 (5:0)

Рўйхатни ўзимизнинг футболчимиздан бошлаймиз. Ўша ўйинда Шацкихдан ташқари, Тимур Кападзе Виктор Карпенко, Улуқбек Бақоев, Шавкат Саломовлар ҳам бир мартадан рақиб дарвозасини ишғол қилган. Афсуски, терма жамоамиз ЖЧ-2010нинг якуний саралаш босқичини муваффақиятли якунлай олмади ва ҳар доимгидек мундиални бошқаларга "совға" қилдик.

КРИС БОЙД

Шотландия чемпионати, 25.09.04

«Килмарнок» — «Данди Юнайтед» 5:2

Айни дамда Бойд Шотландий Премьер-лигасининг энг фойдали футболчиси (155 та гол) ҳисобланади. У ўзининг кўплаб голларини "Рейнжерс" сафида урган, аммо Бойднинг биринчи пента-тригини 2004 йил "Килманрок" сафида қайд этган. Крис ўшанда 21 ёш эди. "Данди"га қарши ўйинда у 6та гол уриши ҳам мумкин эди, аммо ҳакам офсайд туфайли бу голни ҳисобга олмаган.

ЖЕРМЕЙН ДЕФО

Англия чемпионати, 22.11.09

«Тоттенхэм» — «Уиган» 9:1

"Уайт Харт Лейн"даги баҳс сўнгги мавсумлардаги энг томошабоп ўйин сифатида АПЛ тарихига кирди. "Тоттенхэм" ўз мухлислари ёрдамида "Уиган"ни ер тишлатди. Ўйиннинг 50 дақиқасигача ҳисоб 1:0 эди, аммо бироздан сўнг 27 ёшли Дефо ишга киришди. Жермейн шунчаки 5та гол ургани йўқ, у 7 дақиқа ичида 3та гол уриб, премьер-лига тарихидаги энг тез хет-трик муаллифига айланди.

Айни дамда Дефо 32 ёшда. У фаолиятини якунлаш ҳақида ўйлаётгани йўқ ва 2015 йилнинг қишида "Сандерленд" билан шартнома имзолади.

КОЛБЕЙНН СИГТОРССОН

Голландия чемпионати, 29.01.11

АЗ – «Венло» 6:1

Голландияда барча клублар ҳужумкор футбол тарафдори ва шу сабабли бу чемпионат ўйинидаги йирик ҳисоблар кўпчиликни ажаблантирмайди. Исландиялик ҳужумчи Колбейнн Сигторссон АЗ клуби тарбияланувчиси ҳисобланади. 20 ёшли йигитча ўзининг олий лигадаги биринчи мавсумида жамоасининг тўпурарига айланади. У ўша мавсумда "Венло" дарвозасини 5 бора нишонга олади. Сигторссон биринчи бўлимда 3та, иккинчисида эса 2та гол уришга муваффақ бўлган.

2010-2011 мавсумнинг якунига кўра Колбейн 32та учрашувда 15та гол уриб, "Аякс" сафига кўчиб ўтади.

ДИМИТАР БЕРБАТОВ

Англия чемпионати, 27.11.10

«Манчестер Юнайтед» — «Блэкберн» 7:1

Бербатов АПЛда бир ўйинда 5та гол урган ягона легионер ҳисобланади. Болгариялик пента-трикдан ташқари Премьер-лигада дубллар, хет-триклар ва хатто покерлари билан ажралиб турган. У 2010/11 мавсум Англия чемпионатининг энг яхши "снайпери"га айланган бўлсада, МЮнинг асосий кучига айлана олмади. Сабаб? Ноодатий феъл-атворга эга бўлган Уэйн Рунининг "қизил иблислар" сафида пайдо бўлиши.

Айни дамда Болгария терма жамоаси футболчиси "Монако" сафида тўп тепмоқда ва яқиндагина Чемпионлар лигасидан "Арсенал" номли клубни чиқариб ташлади. Чорак финалда "қизил-оқлар" "Ювентус"га қарши майдонга тушади.

БАС ДОСТ

Голландия чемпионати, 10.12.11

«Эксельсиор» — «Херенвен» 0:5

Бас Дост "Бавария" ва Бундеслиганинг бошқа клубларини қўрқитишдан олдин ўзини Голландия чемпионатида кўрсатган. ҳаммадан ҳам кўпроқ "Эксельсиор"нинг омади келмаган ва Дост бу жамоанинг дарвозасини 5 марта ишғол қилган.

Дост 2011/12 мавсумда 34та учрашувда 32та гол урган ва чемпионатнинг энг яхши тўпурарига айланган. Фрисландияда туғилган бу ҳужумчи ҳозирда немис клубларини бирин-кетин нишонга оляпти. Голландиялик айни дамда тез гол уриш борасида Месси ва Роналдуни ортда қолдиряпти.

РАДАМЕЛЬ ФАЛЬКАО

Испания чемпионати, 09.12.12

«Атлетико» — «Депортиво» 6:0

Рейтингимизда "Манчестер Юнайтед"нинг яна бир вакили, аммо у 5та голни Мадриднинг "Атлетико"си сафида урган. Жабрланувчи эса "Депортиво". Фалько Испаниядаги фаолияти давомида жуда фаол бўлган. Лекин у катта илҳом билан ўйнаган мавсумида ҳам "Олтин тўп" учун баҳсда Месси ва Роналдуни ортда қолдира олмаган.

Радамель бу мавсумда икки йил олдин Ла-Коруня жамоасига урган пента-тригидан битта кам гол урган.

МИРОСЛАВ КЛОЗЕ

Италия чемпионати, 05.05.13

«Лацио» — «Болонья» 6:0

Кўпинча биз 30 ёшли футболчиларни нафақага чиқариш ҳақида эшитамиз. Афсуски, бу ёшдаги баъзи ўйинчилар ўзининг иккинчи ёшлигини ўтказади. Гап уни бир неча маротаба қариялар сафига қўшишга уринилган Мирослав Клозе ҳақида кетяпти. У деярли ҳар бир учрашувда ўзининг вазифасини тўлиқ амалга оширишга уринади ва "Болонья"га қарши ўйинда ҳам Клозе бу ишни бажарди. 34 ёшли ветеран пента-трик қайд этди. Бир йилдан сўнг Мирослав Германия терма жамоаси билан жаҳон чемпионига айланди.

Карл-Хайнц Румменигге Клозени ўйинини баҳолаётиб, унда камчилик йўқлигини айтган.

ЛИОНЕЛЬ МЕССИ

Чемпионлар лигаси, 07.05.12

«Барселона» — «Байер» 7:1

Уч йил олдин бўлган бу учрашув ҳозир ҳам ёдимизда. Чемпионлар лигаси тарихидаги биринчи пента-трикни бунчалик тез қайд этиш мумкин эмас. Агар бу ишни Лионель Месси уддалаганлигини айтсак, бу вазифни уддалашни иложи бор. Мессининг ўша ўйиндаги "қурбони" "Байер" бўлган.

Аргентиналик футболчи биз севиб томоша қиладиган футболдаги барча рекордларни янгилаб бўлди.

КРИШТИАНУ РОНАЛДУ

Чемпионат Испании, 05.04.15

«Реал» — «Гранада» 9:1

Ниҳоят бу пента-триклар ҳақида ёзишга сабаб бўлган асосий айбдорга етиб келди. Роналду Мессидан фарқли ўлароқ, Примерода 5та гол урди. "Реал"да бу натижани 10 йил олдин Мориентес қайд этган.

Роналду ва Месси ўз "планкаларини" кўтаришда давом этмоқда. Бу пента-трикдан сўнг Роналду тўпурарлик борасида Каталония клубидаги "ўзгасайёралик"ни ортда қолдирмоқда.