Берти Фогтс: "Футболчиларимни ОАВ орқали танқид қилмайман"
21 авг 2014 02:06
Новости

Берти Фогтс: "Футболчиларимни ОАВ орқали танқид қилмайман"

Озарбайжон терма жамоаси бош мураббийи Берти Фогтс Ўзбекистон билан бўлиб ўтган ўртоқлик ўйинидан кейин ўз фикрлари билан ўртоқлашди.

-Учрашувда қайси футболчининг ҳаракатидан қониқдингиз?
-Мени яратилган вазиятлардан кўнглим тўлди фақат.

-Биринчи бўлимда Назаров кўп хатога йўқ қўйди. Уни ўрнига бошқа футболчини туширишни имкони йўқ эдими?
-Бизни Россия билан бўладиган ўйинимиз бор. Мен футболчиларни синаб кўраман, аммо ОАВ орқали танқид қилмайман. Мен уларни юзига айтаман. Назаровга 90 дақиқа имкон бердим. Унинг ҳаракатларини кўришни истагандим.

-Ўзбекистоннинг иккинчи таркибини мағлуб эта олмадингиз. Бу ўйин билан европада нимани кўрсатмоқчисиз?
-Мени вазифам - кучли жамоани шакллантириш. Мени ишим кимгадир ниманидир кўрсатиш эмас.

-Россияга қарши ўйинда "Карабах" футболчиларини синаб красизми? Ёки "Нефтчи" жамоаси футболчиларига имкон берасизми?
-Ҳар иккала жамоа футболчиларини синаб кўраман. Лекин асосий таркибд кимлар ўйнашини аниқ айта олмайман. Бугун ўйнаган футболчиларни кўпчилигида тажриба етишмасди. Лекин майдонда "Нефтчи" ёки "Карабах" футболчиларининг йўқлиги сезилмади.

-Бугун тўрт футболчи мадҳияни айтишди. Қолган етти нафари эса жим ўтиришди.
-Мен ҳеч қачон мадҳияни айтмаганман. Ҳар ким ўзи учун ўзи ҳал этади. Германия терма жамоаси жаҳон чемпиони бўлди. Беш киши эса мадҳияни айтмаганди. Нима бу мени ёмон одам қиладими?