Бернарду Сильва Мбаппега маслаҳат берди

«Мбаппе — ажойиб футболчи. Уни шу ерда, биз билан кўришни истардим. Албатта, қарорни „Сити“ ва футболчининг ўзи чиқаради, лекин эртага нима бўлишини ҳеч ким аввалдан айта олмайди.

Килиан жаҳон даражасидаги юлдуз бўла олади. Менимча, у ҳозирнинг ўзида қисман юлдуз бўлиб улгурди. Ва яқин йиллар ичида дунёнинг энг яхшиларидан бирига айланиши ҳеч гап эмас. Ярим ҳимоячилар доим олдинда у каби ҳужумчи билан бирга ўйнашни исташади. Сабаби, Килиан тезкор, ақлли ва яратилган вазиятларни голга айлантира олади. У эндигина 18 ёшга тўлганига ишонгингиз ҳам келмайди баъзан».