Бензема "ишдан бўшатган" мураббий Аргентинага йўл олди
05 авг 2024 12:17
Новости

Бензема "ишдан бўшатган" мураббий Аргентинага йўл олди

Марсело Гальярдо "миллионерлар"нинг янги бош мураббийига айланади.

Аргентиналик мутахассис Марсело Гальярдо Буенос-Айреснинг "Ривер Плейт" жамоаси бош мураббийи лавозимига қайтмоқда, дея хабар берди Фабрицио Романо.

Маълум қилинишича, 48 ёшли Гальярдо "миллионерлар" билан бир ярим мавсумлик, яъни 2025 йилнинг декабрига қадар мўлжалланган шартнома имзолайди.

Мутахассис Карим Бензема билан можарога бориб, Саудия Арабистонининг "Ал Иттиҳод" клубини тарк этганидан буён ишсиз юрганди.

Эслатиб ўтамиз, Марсело Гальярдо аввал ҳам "Ривер Плейт"да ишлаган. Жамоа унинг қўл остида еттита миллий, олтита қитъа ва битта халқаро совринни қўлга киритган, шунингдек, 2015 йилги клублар ўртасидаги ЖЧ финалида ўйнаган.

Ссылка :

Источник : twitter.com/FabrizioRomano

Получайте новости прямо в Telegram!

Рейтинг: +3