Бензема: "Барчага қўллаб-қувватлов учун раҳмат. Шоу давом этиши керак"
30 ноя 2021 13:48
Новости

Бензема: "Барчага қўллаб-қувватлов учун раҳмат. Шоу давом этиши керак"

"Олтин тўп" учун овоз беришда тўртинчи ўринни қўлга киритган "Реал" ҳужумчиси Карим Бензема мухлисларга қўллаб-қувватлов учун миннатдорчилик билдирди.

"Барчага қўллаб-қувватлаганликларинг учун раҳмат. Мен сизлар учун футбол ўйнайман. Шоу давом этиши керак", - деб ёзди Бензема twitter'да.

33 ёшли Бензема Париждаги "Олтин тўп" маросимини ўтказиб юборди. Хабарларга кўра, у тадбирга боришни рад этган, сабаби уни якуний овоз бериш натижалари қониқтирмаган.

Эслатиб ўтамиз, ПСЖ ҳужумчиси Лионель Месси етти бор "Олтин тўп"ни қўлга киритди.