“Бенфика” устози Жеррардни “Челси” афсонаси деб атади
25 ноя 2020 20:15
Новости

“Бенфика” устози Жеррардни “Челси” афсонаси деб атади

Европа Лигаси 4-тури доирасида эртага ўтказиладиган “Рейнжерс” – “Бенфика” баҳси олдидан меҳмонлар устози Жорже Жезуш матбуот анжуманида хатога йўл қўйди.

“Жеррард – жаҳон футболи ва айниқса “Челси”нинг афсонаси ҳисобланади”, деган Жезуш.

Маълумот ўрнида, “Рейнжерс” устози Стивен Жеррард 1998-2015 йиллар давомида “Ливерпуль” шарафини ҳимоя қилган. 2016 йил эса “Лос-Анджелес Гэлакси” сафида футболчилик фаолиятини якунлаганди.

Ижтимоий тармоқларда мухлислар Жеррарднинг 2013/14 йилги мавсум "Челси"га қарши ўйинда йўл қўйган хатосини эслашди, бу эса якунда мерсисайдликлар учун АПЛ чемпионлиги бой берилиши билан тугаганди.