Беларусь. Яхшибоев яққол тўпурарга айланиб олди
26 июн 2020 21:12
Новости

Беларусь. Яхшибоев яққол тўпурарга айланиб олди

Бугун Беларусь чемпионати 15-тури доирасидаги ўйинларга старт берилди.

Турнинг илк баҳсида "Энергетик-БГУ" ўз майдонида бир киши кам бўлиб "Славия" дарвозасига 5 бора йўл топди. Қайд этиш керак, голларнинг тўрттасида ҳамюртимиз Жасур Яхшибоев иштирок этди. Икки бора рақиблари постини ишғол қилган Жасур яна икки марта ассистентлик қайд этди.

Шу орқали Жасур Яхшибоев 9 гол билан Беларусь чемпионати тўпурарлари рўйхатида етакчи бўлиб олди.

Ундан кейин 7тадан гол урган Гегам Кадирян ("Неман"), Виталий Лисакович ("Шахтёр"), Павел Некхайчик (БАТЭ) ва Ион Николеску ("Витебск") каби футболчилар қайд этилган.

Айни дамда ғалабага эришган "Энергетик-БГУ" Беларусь чемпионати турнир жадвалида 3-ўринга кўтарилиб олди.

Ссылка :

Источник : championat.asia

Получайте новости прямо в Telegram!

Рейтинг: +53