Баъзи ходимлар Гринвуд сабаб МЮдан кетмоқчи

МЮ аввалроқ ички суриштирув ишларини ўтказди ва Гринвуднинг айби йўқлиги маълум бўлди. Антони ҳам бир қиз билан боғлиқ вазият туфайли машғулотлардан четлатилган, бироқ кейинроқ клуб вазиятга муносабатини ўзгартирганди.

"Манчестер Юнайтед"нинг баъзи ишчилари бу вазиятдан ҳайратда ва ишдан кетиш ҳақида ўйламоқда. Маълум қилинишича, иш ташламоқчи бўлганлар сони у қадар катта эмас. Ишчиларнинг фикрига кўра, клуб Гринвудни четлаштирмоқчи ҳам бўлмаган, аммо жамоатчилик босими натижасида шундай йўл тутишга мажбур бўлган. Антони воқеасида ҳам клуб аввалдан барчасини билган ва футболчиси айбини яширган, деган версия ҳам мавжуд. Бироқ клуб раҳбарлари бундай маълумотларни тўлиқ инкор этишди.