Бахтиёр Ёқубов: “Баҳсларнинг зич жойлашуви, ўйинимизга таъсир ўтказди”

- Бугун майдонда икки тенг кучли рақиблар ҳаракат қилди. Очиғи, “Насаф” ҳамда “Қизилқум”га қарши баҳсларни бир-бирига яқинлиги бевосита бугунги ўйинимизга таъсир ўтказди. Қўшимчасига, Фарғонадан Навоийга узоқ йўл босиб келдик. “Қизилқум” жамоаси ўтган турни ўтказиб юборгани сабабли уларда ўйинга тайёргарлик кўриш учун вақт кўп бўлди. Умуман олганда мазкур омилларни ҳисобга олсак, сафардан бир очко билан қайтиш қониқарли натижа бўлди деб ўйлайман. “Қизилқум” бугун дуранга мос ўйнади. Рақиб сафида фақат Илҳом Юнусов алоҳида ажралиб турди. Бошқа футболчилар, хусусан рақиб сафидаги хорижлик ўйинчилар ҳам бир бош устун ўйнашни уддалай олмади. Кейинги турда ўз уйимизда Бекободнинг “Металлург” жамоасини қабул қиламиз. Мазкур баҳсда бекободликларни мағлуб этиб, биринчи даврани яхши кайфиятда якунламоқчиман, - деди Бахтиёр Ёқубов.

“Нефтчи” матбуот хизмати.