Бахтиёр Ашурматов: "Пахтакор" биринчи баҳсда ўз ўйини билан кучли жамоага муносиб қаршилик қилишини исботлади"
11 мар 14:46
Новости

Бахтиёр Ашурматов: "Пахтакор" биринчи баҳсда ўз ўйини билан кучли жамоага муносиб қаршилик қилишини исботлади"

Элит ОЧЛда ўз юришини давом эттираётган "Пахтакор" бугун нимчорак финал жавоб учрашувида "Ал Ҳилол"га қарши майдонга чиқади.

Меҳмонда бўлиб ўтадиган учрашув олдидан тажрибали мутахассис Бахтиёр Ашурматовнинг фикрларини тингладик.

"Жамоаларнинг дастлабки учрашуви менда жуда яхши таассурот қолдирди. "Пахтакор" бу йилги мавсумда қайтади деган фикрим ўйиндан кейин янада кучайди. Легионерлар "Пахтакор"нинг ўйинини кучайтиргани кўриниб турди. Жамоа чиройли ва мазмунли ҳаракат қилиб ғалаба қозонди. Афсуски, дарвозага иккинчи голни ура олишмади. Меҳмондаги ўйин олдидан бу камлик қилиши мумкин. Лекин "шерлар" бу ўйини орқали кучли жамоага муносиб қаршилик кўрсата олишини исботлади. Уларга сафардаги беллашувда омад тилайман ва мухлислик қиламан",- дейди Бахтиёр Ашурматов.

Маълумот учун, ўйин Тошкент вақти билан соат 01:00да Ар Риёддаги "Кингдом Арена"да старт олади. Тошкентда ўтган биринчи учрашувда пойтахт клубининг қўли баланд келган эди (1:0).

Ссылка :

Источник : Championat.asia

Получайте новости прямо в Telegram!

Рейтинг: +3