"Бавария" Боатенг билан қисқа муддатли битим тузиши мумкин

Маълумотларга қараганда, клубда яна футболчи билан қисқа муддатли битим тузиш ҳақида фикрлар қайта жонланган.

Мюнхенликларда ҳимоячилар билан муаммолар етарлича. Германия Кубоги доирасида Матийс де Лигт ҳам жароҳат олди. Хабарларга кўра, голландиялик тўрт-олти ойга сафдан чиққан. Шунингдек, узоқ вақт жамоага ёрдам бера олмаган Дайот Упамекано 4 ноябрь куни "Боруссия Дортмунд"га қарши ўйинда сафга қайтиши кутилмоқда.

Таъкидланишича, Боатенг мюнхенликларнинг иккинчи жамоаси билан машғулотларда қатнашмоқда ва ажойиб спорт формасида.