"Барселона" президенти Гризманн ҳақида: "Ҳеч қанака музокаралар йўқ"
17 июн 2019 17:55
Новости

"Барселона" президенти Гризманн ҳақида: "Ҳеч қанака музокаралар йўқ"

"Барселона" президенти Хосеп Мария Бартомеу клуб "Атлетико" форварди Антуан Гризманнинг трансфери борасида ишлаётгани тўғрисидаги хабарларни рад этди.

"Ҳар доим айтганимиздек, биз у билан алоқага чиққанимиз йўқ. Ҳеч қанака музокаралар йўқ. Яқинлашаётган кунларда ва ҳафталарда трансфер бозорида бўлаётган воқеаларни кузатамиз", - дейди Бартомеу.

Гризманн якунланган мавсум клуб сафида 48та ўйинда майдонга тушди. Унинг ҳисобида 21та гол ва 10та ассист бор. Форварднинг Мадрид клуби билан тузган шартномаси 2023 йил ёзига қадар мўлжалланган. 1 июлдан эса унинг товон пули 200 миллиондан 120 миллион еврога тушади. Франциялик футболчи "Атлетико"дан олдин "Реал Сосьедад" таркибида ҳаракат қилган.