Баҳром Ҳайдаров: "Пахтакор" билан Термизда ўйнаганимизда жуда яхши бўлар эди"

"Ўйин бошидан тезкор гол ўтказиб юбордик. Натижада рақибда ўзига ишончи ортди ва баҳсни эркин назорат қилди. Биз буни билган ҳолда илк дақиқаларда эҳтиёткор ўйнашимизни таъкидлагандик. Иккита голдан сўнг мезбонлар ўйин тизнини қўлига олди. Вазиятлардан фойдаланишимиз керак. Бундай баҳсларда вазиятлардан фойдаланмаслик қимматга тушади. Агар очко олишни истасак "Пахтакор"га ўхшаган рақиблар билан ўйинда битта имкониятдан ҳам гол уришимиз лозим. Иккинчи бўлим биринчисига ўхшаш бўлди. Қанотлардан тўп ўтказиб юбордик. Тайёргарлигимиз яхши бўлмагани ҳам қайсидир маънода таъсир қилди",- дейди Баҳром Ҳайдаров.

- Аввалги ўйинларда "Сурхон" ҳимояда жуда зич ўйнаётганди. Бугун шу нарса кўзга ташланмади...
- 0:1 ҳисобидан сўнг уни ушлаб қолиш учун ҳаракат қилмайсиз. Олдинга очилишимизга тўғри келди. Натижада орқа чизиқда бўшлиқлар пайдо бўлди. Кучимиз етмаганидан орқа чизиқда зичлик ҳосил қила олмадик.

- Иккинчи даврадаги ўйин қаерда ўтади?
- Регламент бўйича ўйин "Пахтакор" стадионида ўтказилса керак.

- "Сурхон" сафарда шу вақтгача бир очко ишлаган. Агарда прожектор масаласи ҳал этилмаса кейинги ўйинларни ҳам жамоа бошқа майдонда ўтказиши мумкин...
- "Пахтакор" билан Термизда ўйнаганимизда жуда яхши бўлар эди. Ҳар бир жамоанинг ўз майдони куч бағишлайди. "Бунёдкор" билан ҳам нейтрал майдонда ўйнаймиз. Ўйлайманки, бу масала тез орада ижобий ҳал бўлади. Прожектор борасида ҳаракат қилишмоқда. Тўлиқ маълумотга эга эмасман.