Баҳодир Шамсиддинов: "Нефтчи"да икки нафар иқтидорли дарвозабон бор"

Хабарингиз бор, Шамсиддинов яқинда дарвозабонлар мураббийлари учун ўтказилган ўқув-семинарида иштирок этди. Мураббий биз билан Тошкентдаги семинар таассуротлари билан ўртоқлашди.

- Ўқув-семинар жараёнлари икки босқичдан иборат бўлди. Назарий дарслар пойтахтимиздаги “Рамада” меҳмонхонасида бўлиб ўтган бўлса, иккинчи босқич амалий бўлиб ЎФФнинг суний қопламали майдони олиб борилди, - деб гап бошлади Баходир Шамсиддинов. – Ўқув курсларига ОФК инструктори Жалол Маҳмуд бошчилик қилди. Унга хамюртимиз Шавкат Имомов ассистент бўлди. Жалол Маҳмуд биз учун бегона шахс эмас. Ёдингиз бўлса, Маҳмуд ўз вақтида ОЧЛ доирасидаги ўйинларда “Нефтчи”га қарши ўйнаган эди. Шунингдек, у Эрон МТЖнинг собиқ посбони ҳам ҳисобланади.

- Айни пайтда ихтиёрингизда 2 дарвозабон Ўткир Юсупов ва Абдумавлон Абдужалилов бор. Улардан қайси бири бу йил “Нефтчи” дарвозасини қўриқлайди?
- Биринчи галда, иқтидорли посбонларимиз борлигини айтиб ўтишим керак. Аммо улардан қайси бири бу йил асосий бўлиши ҳақидаги саволингизни очиқ қолдираман. Ҳозир Абдумавлон Қатардаги турнирда иштирок этмоқда. Аввал у қайтсин, Ўткир билан машғулотларда синаб кўрамиз. Ҳаммаси мавсум бошлангунча ҳал бўлади. Ким кучли бўлса, ўша асосий посбон бўлади, - деб фикрларини якунлади “Нефтчи” дарвозабонлар мураббийи.

“Нефтчи” ПФК матбуот хизмати.