RU

Последние новости

14:35"Мамлакатимизда футбол ривожланмоқда, балки кейинги мундиалда иштирок этишимиз мумкин". Қирғиз Республикаси бош мураббийи иштирокидаги матбуот анжумани (тўлиқ)  0 14:02Аргентина терма жамоасининг бўлажак ўйинлар учун таркиби маълум  0 13:33"Реал" афсонаси: "Олмаотага учиш Нью-Йоркка учишдек гап"  7 13:04"Фенербахче" Моуриньюни бош мураббий лавозимидан озод этди  6 12:52Туркманистон бош мураббийи Ровшан Мередов: "Бу савол менга эмас"  2 12:23Тимур Кападзе ва Азизбек Турғунбоев иштирок этган матбуот анжуманида қандай фикрлар янгради? (Тўлиқ матбуот анжумани)  13 11:56Тимур Кападзе Паулу Бенту ҳақида фикр билдирди  27 11:44Карлуш Кейруш: "Бир неча йил аввал Ўзбекистон футболи "уйқу"да эди"  24 11:40Карлуш Кейруш Паулу Бенту ҳақида фикр билдирди  0 11:20Ўзбекистон МТЖ эртага янги формада ҳаракат қилади  12 10:53Довбик А Сериянинг бошқа жамоасига ўтишга яқин  4 10:28Хави Симонс фаолиятини АПЛда давом эттиради (Фабрицио Романо)  7 09:57Адриен Рабьо "Милан"га ўтмайди, онаси унинг "Марсель"да қолишини истамоқда  1 09:25Ислом Исмоилов: "Жаҳон чемпионати олдидан Англия, Канада, Марокашга қарши ўйнаш жамоага куч беради"  1 08:56"Ньюкасл" Исакнинг ўрнига Германиядан ҳужумчи олиб келади  7

Баҳодир Аҳмедов: "Мендезнинг ғояларини давом эттираяпмиз" Новости

Баҳодир Аҳмедов: "Мендезнинг ғояларини давом эттираяпмиз"

Футзал бўйича Ўзбекистон миллий терма жамоаси Тошкентда йиғинни давом эттирмоқда.

Кеча терма жамоа йиғинидан суратларни эътиборингизга ҳавола этган эдик. Бугун эса бош мураббий Баҳодир Аҳмедовнинг фикрларини ўқишингиз мумкин.

- Нима учун ушбу йиғинга асосан ёшлар чақирилди?

- Асосий ўйинчиларимизнинг кўпчилиги АГМК билан бирга клублар ўртасидаги Осиё чемпионатига (7-17 августда Таиланд пойтахти Бангкокда ўтказилади) тайёргарлик кўришмоқда. Шу сабаб, уларга руҳсат берганмиз. Давом этаётган чемпионатимиз давомидаги кузатувларимиз натижасида ўзини кўрсатиб келаётган ёш футзалчиларни йиғинга таклиф қилиб, уларга ёрдам беришга ва шу орқали терма жамоа келажаги учун қисман бўлса-да пойдевор қўйишга ҳаракат қилаяпмиз. Бу ёшлар асосий йигитлар қайтгунча ўйин схемамизга мослашиб олишади.

- АГМК таркибида бўлмаган тажрибали ўйинчиларимизчи? Масалан: Артур Юнусов, Фарҳод Абдумавлонов, Константин Свиридов...

- Уларнинг ҳаммаси умумий қайдномамизда бор, Осиё чемпионати саралашигача улар албатта чақирилади. Шунчаки, ҳозир ёшларни тезроқ тарбиялашга ва терма жамоа ҳавосига кўниктиришга ҳаракат қилаяпмиз. Айни пайтда йиғинда бўлган йигитлар ичида ҳали тайёр бўлиб улгурмаганлари ҳам бор. Лекин, йигитлар кўрсатган нарсаларимизни тез илғаб олишмоқда ва бу нарса бизни хурсанд қилмоқда.


- Терма жамоа айни пайтда қандай услуб асосида тайёргарлик кўрмоқда? Хосе Мария Мендез услуби ва йўли давом эттирилмоқдами?

- Мендезнинг ғояларини давом эттираяпмиз. У билан доим алоқада бўлиб турамиз, яқиндагина бизга янгича машқ услублари ва схемаларни берди. Мендез исталган масалада биздан ёрдамини аямайди ва мунтазам алоқада бўлиб туради.

- Футзал бўйича ички чемпионатимизнинг эски форматга қайтгани мураббий сифатида сизга қай даражада қулайлик туғдирмоқда?

- Эски форматга қайтилгани жамоаларга молиявий томонлама яхши бўлдик. Чунки, ўтган мавсум охирида жамоалар моддий муаммолар сабаб сафардаги ўйинларга боролмаган вазиятлар ҳам бўлганди. Ўз навбатида, олдинги ҳолатга қайтилгани мураббий сифатида менга ҳам қулай. Сабаби, кун давомида барча ўйинларни ва футзалчиларни кузатиб ўтириш имконим бор. Клублар ҳам рақиблари баҳсини томоша қилиб, уларни ўрганиб ўтиришлари мумкин. Бир сўз билан айтганда, эски форматга қайтилгани яхши бўлди, бу ҳамма учун қулай.

Рейтинг: +5   

Комментарии

championat.asia
< посмотреть последние новости
Яндекс.Метрика