Азизжон Ғаниевни табриклаймиз!
22 фев 2018 11:47
Новости

Азизжон Ғаниевни табриклаймиз!

Бугун “Насаф” жамоасининг иқтидорли ярим ҳимоячиси, Осиё чемпиони, Азизжон Ғаниевнинг таваллуд айёми куни. Азизжон бугун 20 ёшга тўлди.

Азизжон Ғаниев “Насаф” футбол мактабининг тарбияланувчиси ҳисобланади. Футболчи кейинги йилларда жамоанинг асосий таркибида ўз ўрнига эришди. Ўзининг чиройли ва мазмунли ўйинлари билан нафақат юртимизнинг балки хорижлик футбол ишқибозларининг ҳам назарига тушди. Футболчи шунингдек мамлакатимиз терма жамоаси сафида ҳам Ватанимиз шарафини муносиб ҳимоя қилмоқда.

Азизжон Ғаниевни бугунги таваллуд айёми билан клуб раҳбарияти, мураббийлари ва футболчилари номидан, шунингдек мамлакатимиз футбол ишқибозлари номидан самимий муборакбод этамиз. Азизжонга сиҳат саломатлик, узоқ умр ва бахт тилаймиз.

Азизжон узоқ йиллар тўп тепиб, улкан зафарларни қўлга киритишига тилакдошмиз.

Туғилган кун муборак бўлсин, Азизжон!

“Насаф” ПФК жамоаси