Азиз Ғаниев - Твиттер қаҳрамони
17 янв 2018 15:13
Новости

Азиз Ғаниев - Твиттер қаҳрамони

breakingthelines.com сайти ўзининг Твиттердаги саҳифаси орқали Ўзбекистон U-23 терма жамоаси ярим ҳимоячиси Азиз Ғаниев ҳақида илиқ фикрларни билдирди.

Ҳатто улар Ғаниев тўғрисида Твиттерга тўрт дақиқалик видеролик ҳам жойлашди. "Азиз Ғаниев тўпни шундай узатадики, бу худди сариёғни пичоқ билан бир текис кесганга ўхшайди", деб ёзган Breaking The Lines твиттер аккаунти.

Твиттерда "Насаф" ярим ҳимоячиси ҳақида яна шундай дейилган: "Чуқур орқада ўйнайдиган плэймейкерлар фақат Италия ё Аргентинада эмас, балки Шарқ томонларда ҳам дунёга келиши мумкин. Мисол учун, 19 ёшли Азиз Ғаниев шулар жумласидан".

"У Ўзбекистоннинг топ клубида, яъни "Пахтакор" ё "Бунёдкор" ёки амалдаги чемпион "Локомотив"да ўйнаётгани йўқ, шунга қарамай ўз ўйини орқали терма жамоага жалб қилинди. У жуда катта салоҳиятга эга".

"1991 йил Мустақилликни қўлга киритган Ўзбекистон футболда қисқа вақт ичида бутун Осиё бўйлаб ўз сўзини айта олди. Миллий терма жамоа Осиё Кубоги-2011да ҳатто тўртинчи ўринни эгаллади".

"Ўзбекистон ҳар доим ёш иқтидорларга эга бўлган. Масалан, Хитойдаги мусобақада иштирок этаётган жамоада Ҳожиакбар Алижонов, Жавоҳир Сидиқов ҳам ажралиб турибди, лекин Азиз Ғаниев барибир бошқача порлаяпти. Албатта, у "Бавария"да ўйнаб кета олмайди, бироқ янада зўр бўлиши учун жуда яхши имкониятга эга".

Ссылка :

Источник : championat.asia

Получайте новости прямо в Telegram!

Рейтинг: +84