Аёллар футзали. "Севинч" - 11 карра Ўзбекистон кубоги соҳиби
06 мар 2020 13:21
Новости

Аёллар футзали. "Севинч" - 11 карра Ўзбекистон кубоги соҳиби

Хабарингиз бор Жиззах шаҳрида XII бор Аёллар ўртасида Ўзбекистон кубоги мусобақаси ўтказилмоқда.

Бугун ушбу турнирнинг ҳал қилувчи финал ўйини бўлиб ўтди. Финалга мезбон Жиззахнинг "Сўғдиёна" ҳамда Қаршининг "Севинч" жамоалари етиб келишди.

Учрашув "Севинч" жамоасининг ҳужумлари билан бошланди ва дастлабки 10 дақиқа ичида рақиб дарвозасига 4 та тўп киритди. Биринчи бўлим сўнггича эса жамоа яна шунча гол урди, Жиззахликлар эса битта гол билан жавоб қилишди.

Иккинчи бўлим эса биринчисига қараганда янада қизиқарли тарзда бошланди. "Сўғдиёна" жамоаси янада фаолликни оширди. Бўлимнинг 4 дақиқасида "Севинч" футзалчиси Малика Бурхонова рақиб футзалчисига қўпол ўйнагани сабаб бир вақтнинг ўзида икки марта сариқ карточка кўрсатилди ва майдондан четлатилди. Кейин ҳам "Севинч" фаолликни туширмади ва яна голлар уришда давом этди. Ўйин якунигача Қаршиликлар яна 3 та гол уришди ва ўз тарихларида 11-марта Ўзбекистон кубоги совриндорига айланишди.

Учрашувдан сўнг тақдирлаш маросими ўтказилди. Чемпион жамоа "Севинч" клубига бош соврин кубок ҳамда ҳар икки жамоа футзалчиларига эсдалик учун совғалар топширилди.

ФИНАЛ
"Севинч" - "Сўғдиёна-W" 11:1

Голлар: Aзиза Норбоева 4' (автогол) 1:0. Нилуфар Қудратова 6' 2:0. Шоира Қултураева 7' 3:0. Мафтуна Шоимова 9' 4:0. Мафтуна Шоимова 14' 5:0. Шоира Қултураева 15' 6:0. Нилуфар Қудратова 17' 7:0. Дадабоева Холида 17' 7:1. Мафтуна Шоимова 20' 8:1. Нилуфар Қудратова 28' 9:1. Мафтуна Шойимова 32' 10:1. Мафтуна Шойимова 34' 11:1.

ТАРКИБЛАР:
"Севинч”:
Биринчи бешталик: 16. Мафтуна Жонимқулова, 9. Мафтуна Шойимова (с), 14. Гулзода Амирова, 37. Малика Бурхонова, 77. Нилуфар Қудратова.
Захира: 1.Лайло Тиловова, 8. Лайло Шодиева, 15. Шоира Қултураева, 25. Диёра Эркинова, 27. Шодия Тошева.

"Сўғдиёна W":
Биринчи бешталик: 22.Нозима Ҳасанова, 3.Уғилой Қучқарова, 10.Азиза Норбоева, 17.Танзиля Зарбиева (с), 25.Эзоза Шарипова.
Захира: 4.Насиба Хожиева, 5.Нафиса Набиқулова, 11.Шаҳзодв Жамолова, 12.Зарина Маматкаримова, 13.Юлдуз Шодиева, 19.Лианна Нарбекова, 20.Сабина Аманова, 21.Холида Дадабоева, 23.Диёрахон Хабибуллаева, 27.Динора Пайзиқулова, 99.Шахзода Файзуллаева.