"Айнтрахт" сардори: "Биз ушбу муваффақиятга лойиқ эдик"
19 мая 2022 22:04
Новости

"Айнтрахт" сардори: "Биз ушбу муваффақиятга лойиқ эдик"

Себастьян Роде жамоасининг Европа Лигаси финалида "Рейнжерс" устидан қозонилган ғалабаси (1:1, пен 5:4). хусусида тўхталди.

31 ёшли германиялик ярим ҳимоячининг айтишича, "бургутлар"нинг евротурнирдаги муваффақияти қайсидир футболчининг эмас, балки бутун жамоанинг ютуғидир.

"Бу жамоа ақл бовар қилмайдиган даражада. Барчамиз ушбу муваффақиятга лойиқ эдик, бундан жуда хурсандмиз. Қийин йўлни босиб ўтдик ва кўп нарса хавф остида эди. Мухлисларнинг қўллаб-қувватлаши бутун мавсумда бўлгани каби ақлдан оздирадиган даражада эди. Барчамиз учун унутилмас саёҳат бўлди. Бунга чиндан ҳақли эдик", – деди Роде.

Хабарингиз бор, Роде финал ўйинида "Рейнжерс" ярим ҳимоячиси Жон Ландстрём билан тўқнашиб кетди. Глазго жамоаси футболчиси Роденинг юзига тепди – германиялик футболчи жиддий жабр кўрди. "Айнтрахт" сардорига шифокорлар ёрдами зарур бўлди, бироқ орадан бироз вақт ўтиб у ўйинни давом эттира олди.

Ссылка :

Источник : uefa.com

Получайте новости прямо в Telegram!

Рейтинг: +8