Авазбек Ўлмасалиев: "Бунёдкор" доим охиригача курашади"
01 апр 2022 08:49
Новости

Авазбек Ўлмасалиев: "Бунёдкор" доим охиригача курашади"

Тошкентнинг "Бунёдкор" жамоаси Суперлиганинг 4-турида ўз майдонида "Динамо"ни мағлуб этди (2:1).

Жамоанинг ғалаба голини сўнгги дақиқаларда Авазбек Ўлмасалиев урди. Биз эса учрашувдан сўнг ўйин қаҳрамонининг фикрлари билан қизиқдик.

"Аввало барча жамоадошларимни, мухлисларни ғалаба билан табриклайман. "Динамо"га қарши ўз ўйинимизни кўрсата олмадик, дея оламан. Иккинчи бўлимда рақиб бир киши кам бўлиб қолгач устунликни қўлга олдик. Буни тан олиш керак. Асосийси якунда ғалаба биз томонда бўлди. Ушбу учрашув эндиликда тарихга айланди. Навбатдаги баҳсларга пухта тайёргарлик кўрамиз. "Бунёдкор" доим охиригача курашади.
Мураббийимиз Шуҳрат Мақсудов бўшашмаслигимизни кўп бор таъкидладилар. Шунга қарамай ҳаракатларимиз кўнгилдагидек чиқмади", - деди Авазбек Ўлмасалиев.